Мәдәният

Эльмира Закирова: «Мәкаләгә караганда, әдәби әсәр язуы җиңелрәк түгелме, дип уйлап куйдым»

Эльмира Закированың «Иясез шатлык» китабы Татарстан китап нәшриятында быел гына 2000 данә тираж белән басылып чыкты.
17.07 11:45

(Казан, 17 июль, «Татар-информ», Рузилә Мөхәммәтова). «Журналист хезмәте язучыныкына караганда да катлаулырак бугай – китап чыгаргач, шуны аңладым», - диде танылган журналист, «Бәллүр каләм» премиясе лауреаты, «Иясез шатлык» китабы авторы Эльмира Закирова «Татар-информ» хәбәрчесенә.

Эльмира Закированың «Иясез шатлык» китабы Татарстан китап нәшриятында быел гына 2000 данә тираж белән басылып чыкты. Китапта авторның «Иясез шатлык» исемле повесте, «З1 нче декабрь» исемле хикәясе, парча, нәсер жанрындагы язмалары урын алган.

Эльмира Закирова китаптагы һәр әсәренең нигезендә журналист язмалары ятуын ассызыклый.

«Журналистика - зур чыдамлык, тырышлык сорый торган профессия, - ди Эльмира Закирова. - Журналист бер мәкаләсен язу өчен бик зур эшләр башкара. Мин әдәбиятны да журналистика алга этәрде, дип саныйм. Сүзем бәхәсләр китереп чыгарса чыгарыр, әмма мәкаләгә караганда, әдәби әсәр язуы җиңелрәк түгелме икән, дип тә уйлап куйдым әле, чөнки беркем дә кысаларга кертми – геройлар язмышын, аларның проблемаларын үзең теләгәнчә чишәсең. Вакыйгаларны да үзең теләгәнчә куертасың», - ди Эльмира Закирова.

Эльмира Закирова – танылган журналист, утыз елдан артык «Ялкын» журналында эшләгән, шуның уналты елын баш мөхәррир вазыйфасында. Бүгенге көндә «Сөембикә» журналының әдәби мөхәррире. Татарстанның атказанган мәдәният хезмәткәре. Татар матбугатында исемнәре танылган тулы бер буын журналистлар – аның укучылары.

Эльмира Закированың бүгенге журналистика буенча фикерләрен “Интертат”тан укый аласыз.
 

КӨН ҮЗӘГЕНДӘ

"Татар-информ" VI Республика ифтарын онлайн күрсәтә

Трансляция бүген 18 сәгатьтә башлана.

Каравон рус халык бәйрәмен уздыру уңаеннан Татарстан Президенты мөрәҗәгате

Каравон киләчәктә дә күпмилләтле Татарстан халкының бердәмлеген, гореф-гадәтләрне саклап калуга һәм үстерүгә этәргеч бирер дип ышанам, диелә котлауда.

Эшмәкәрләр веломарафоны Тукай эзләре буйлап үтәчәк

Унынчы тапкыр үткәрелә торган веломарафонның озынлыгы 150 км.

Футбол буенча дөнья чемпионатына Роспотребнадзор кайнар линия ачты

Федераль хезмәт белгечләре кулланучылар хокукын яклау, санитария күзәтчелеге буенча консультацияләр бирә.

Алексей Песошин эшмәкәрләрне һөнәри бәйрәмнәре белән котлады

Бүген Россиядә эшмәкәрлек көне билгеләп үтелә.