Мәдәният, Татар дөньясы

"Ак калфак" Бөтендөнья татар хатын-кызлары оешмасы делегатлары - Саба районында

Районда өч көнлек программа каралган.
17.07 11:08

азан, 17 июль, "Татар-информ", Гөлнар Гарифуллина). Бөтендөнья татар конгрессының "Ак калфак" Бөтендөнья татар хатын-кызлары оешмасы вәкилләре Саба районына сәфәр кыла. Биредә, татар халкының йолаларын, гореф-гадәтләрен, авыллардагы яшәешне өйрәнү максатыннан, “Төп нигез” исеме астында күчмә утырыш үтәчәк.

Районга керү юлында кунакларны икмәк, чәкчәк белән каршы алдылар. Тальяннарда уйнаучы егетләр татарча биетеп тә алды. Делегатлар арасында Татарстан шәһәр-районнарыннан да, чит төбәкләрдән дә вәкилләр бар.
Калфаклы татар хатын-кызларын өч көн дәвамында бай программа көтә. 

Бүген, 17 июльдә, район мәдәният йортында күргәзмә белән танышу, Саба районы турында видеофильм карау, Шәмәрдән бистәсенә бару, анда
“Җинү паркы”нда районда җитештерелгән чималлар белән танышу,​ “Йөрәк авазы” әдәби-музыкаль күренеш​не карау, “Утар” балалар йорты эшчәнлеге белән танышу, анда ​​​​ тәрбияләнүче балалар катнашында концертны тамаша кылу каралган. Бүгенге көн «Сабантуй» комплексында сәхнәләштерелгән “Кияү мунчасы”, “Орчык өмәсе” йолаларын ​​ карау, кунакларның үзләре катнашында Сабан туе белән тәмамланачак.



Иртәгә, 18 июльдә, ​“Төп нигез” темасы буенча Сабада Фиргать һәм Гөлсинә Галимуллиннар гаиләсендә булу, Кызыл Мишә авылында Гаттаровлар гаиләсе белән танышу көтелә. Кызыл Мишәдә кунакларга мөмкинлекләре чикләнгән балалар өчен интернат-мәктәбендә милли рухта тәрбия эшчәнлеге турында сөйләячәкләр. Шулай ук, делегатлар Кече Шыңар, Югары Симет , Шекше, Явлаштау авылларына барачак. Миңгәр авылында делегатлар артист Шәүкәт Биктимеровның төп нигезе, музее, китапханә белән ​​​танышачак.


​​
19 нчы июльдә Саба мәчетендә «Васыятьнамә» - Җәлил хәзрәт вәгазьләрен ​​​​тыңлау, Лесхоз авылында Урман музеена, Кыңгыраулар музеена, Бөтенроссия селекция орлыкчылык үзәгенә сәяхәт, Лесхоз мәдәният йортында пленар утырыш көтелә.

 

КӨН ҮЗӘГЕНДӘ

Өлешләп торак төзү буенча контроль көчәйтелә – прокурор

Рөстәм Миңнеханов бу мәсьәләне контрольдә тотарга кушты.

Прокурор бюджет акчасына кул сузучыларның штраф, кисәтү белән генә котыла алмаячагын әйтте

Илдус Нәфыйков бюджет акчасының кая сарыф ителүе катгый тикшереләчәк, дип белдерде.

19 гыйнварның төп вакыйгалары - фото һәм сылтамалар

Балалар бакчасына түләү тәртибе үзгәрә, Ш.Мәрҗанигә багышланган конференциягә әзерлек бара, Тукай премиясенә кандидатлар тәкъдим ителә башлады.

Мәрҗани мирасы чит илләрдә бүген дә дәреслек буларак файдаланыла

Галимнең “Назурат әл-хак” китабы бүгенге көндә Төркиядә, Пакыстанда һәм Бәйрутта басыла һәм бар җиһанга таратыла, ди Татарстан мөфтие К.Сәмигуллин.

Татарстан прокуроры Мәдәният министрлыгына шелтә белдерде

“Сатып алулар буенча закон бозуларга юл куелган һәр очракка карата чарасын күрүне таләп итәм”, - диде Илдус Нәфыйков.