Хәвеф-хәтәр

Татарстанлы "Җебхат ән-Нусра"* террористик оешмасында катнашуда шикләнелә

2016 елда ир-ат, легаль булмаган рәвештә Сүрия Гарәп Республикасы чиген үтеп, террористик төркем сафларына керә.
17.07 13:08

(Казан, 17 июль, "Татар-информ"). 30 яшьлек Татарстан кешесенә “Законсыз кораллы төркем оештыру яки анда катнашу” мәддәсе буенча җинаять эше ачылган. Гаепләнүче Урта Азиянең үзәк республикаларының берсендә туган. Бу хакта Россия федераль иминлек хезмәтенең Татарстан буенча идарә матбугат хезмәте җиткерә.

Тикшерү барышында ачыкланганча, шикләнелүче 2016 елның гыйнвар аенда, легаль булмаган рәвештә Сирия Гарәп Республикасы чиген үтеп, анда "Җәмәгать әт-Тәухид вәл-Җиһад" террористик төркем сафларына керә. Әлеге төркем Россиядә тыелган “Җебхат ән-Нусра ли-Әһле әш-Шәм"* оешмасының структур звеносы булып санала. Хәзерге вакытта алда искә алынган оешма составында боевик функцияләрен башкара.

*" Җебхат ән-Нусра ли-Әһле әш-Шәм"("Фронт ән-Нусра") – Сүриядә 2012 елдан эшләп килүче ислам сөнни оешмасы. Озак вакытлар "Әл-Каида" террорчылык челтәренең филиалы булып тора (ул Россиядә һәм күп кенә илләрдә тыелган). 2016 елда әлеге оешмадан бүленеп чыгып, "Җебхат Фәтх әш-Шәм" дип атала башлый, соңрак "Хайат Тәхрир әш-Шәм" белән альянска керә. Бу группировка берничә илдә, шул исәптән Россиядә дә, террорчылык оешмасы булып танылган, аның эшчәнлеге тыелган.
 

КӨН ҮЗӘГЕНДӘ

"Татар-информ" VI Республика ифтарын онлайн күрсәтә

Трансляция бүген 18 сәгатьтә башлана.

Каравон рус халык бәйрәмен уздыру уңаеннан Татарстан Президенты мөрәҗәгате

Каравон киләчәктә дә күпмилләтле Татарстан халкының бердәмлеген, гореф-гадәтләрне саклап калуга һәм үстерүгә этәргеч бирер дип ышанам, диелә котлауда.

Эшмәкәрләр веломарафоны Тукай эзләре буйлап үтәчәк

Унынчы тапкыр үткәрелә торган веломарафонның озынлыгы 150 км.

Футбол буенча дөнья чемпионатына Роспотребнадзор кайнар линия ачты

Федераль хезмәт белгечләре кулланучылар хокукын яклау, санитария күзәтчелеге буенча консультацияләр бирә.

Алексей Песошин эшмәкәрләрне һөнәри бәйрәмнәре белән котлады

Бүген Россиядә эшмәкәрлек көне билгеләп үтелә.