Җәмгыять, Дин

Кыргызстанда туберкулезга каршы көрәштә имамнар ярдәм итәчәк

Шушы максат белән республика төбәкләрендә имамнарны, мәчет хезмәткәрләрен һәм өлкә казыят вәкилләрен укыта башлаганнар.
17.07 14:01

(Казан, 17 июль, "Татар-информ"). Кыргызстанда дин әһелләрен туберкулезга каршы көрәштә җәлеп итмәкче булганнар, дип яза "Интерфакс", әлеге республиканың Сәламәтлек саклау министрлыгы матбугат хезмәтенә сылтама биреп.

Шушы максат белән республика төбәкләрендә имамнарны, мәчет хезмәткәрләрен һәм өлкә казыят вәкилләрен укыта башлаганнар.

“Туберкулезны җиңәчәкбез” проектының вәкиле Дилшат Хаитов сүзләренчә, оештыручы булган Кыргызстан Милли фтизиатрия үзәге USAID проекты ярдәме белән республикадагы туберкулез эпидемиясе белән комплекслы рәвештә, ягъни дин әһелләрен җәлеп итеп, көрәшмәкче.

"Хәзерге вакытта дин теләсә-кайсы дәүләтнең аерылгысыз бер өлеше булуын танырга кирәк. Ул иҗтимагый, социаль-икътисади үсешкә зур йогынты ясый", - дип белдерде Хаитов.

Аның сүзләренә караганда, "икътисади кризис, югары дәрәҗәдәге эшсезлек һәм ярлылык әхлакый һәм рухи нигезләрнең югалуына китерде. Дин әһелләренең абруе үсүен исәпкә алып, без аны республикада туберкуkез белән көрәштә кулланырга булдык ".

Д. Хаитов хәбәр иткәнчә, 24 мартта, ягъни-Бөтендөнья туберкулез белән көрәшү көнендә, Кыргызстандагы 1770 мәчеттә беренче тапкыр исламда сәламәтлек һәм туберкулез мәсьәләләренә багышланган җомга хөтбәсе укылган.

Руханиларының тренинг программасына туберкулез, эпидемиологик хәл, авыруны кисәтү һәм аның таралу юллары турында төп мәгълүмат кертелгән.
 

КӨН ҮЗӘГЕНДӘ

"Татар-информ" VI Республика ифтарын онлайн күрсәтә

Трансляция бүген 18 сәгатьтә башлана.

Каравон рус халык бәйрәмен уздыру уңаеннан Татарстан Президенты мөрәҗәгате

Каравон киләчәктә дә күпмилләтле Татарстан халкының бердәмлеген, гореф-гадәтләрне саклап калуга һәм үстерүгә этәргеч бирер дип ышанам, диелә котлауда.

Эшмәкәрләр веломарафоны Тукай эзләре буйлап үтәчәк

Унынчы тапкыр үткәрелә торган веломарафонның озынлыгы 150 км.

Футбол буенча дөнья чемпионатына Роспотребнадзор кайнар линия ачты

Федераль хезмәт белгечләре кулланучылар хокукын яклау, санитария күзәтчелеге буенча консультацияләр бирә.

Алексей Песошин эшмәкәрләрне һөнәри бәйрәмнәре белән котлады

Бүген Россиядә эшмәкәрлек көне билгеләп үтелә.