Мәдәният

Татарда драматурглар күплектән режиссерлар кылтаеп китәләр – Данил Салихов

Килер шундый көннәр – “Бирегез инде бер әсәр”, дип йөриячәкләр, дигән фикердә Татарстан язучылар берлеге рәисе.
17.07 14:28

(Казан, 17 июль, «Татар-информ», Рузилә Мөхәммәтова). “Татар драматургларының кадерен белергә кирәк. Иң күп драматурглар татарда”, - диде Татарстан Язучылар берлеге рәисе, драматург Данил Салихов “Татар-информ” хәбәрчесенә 22-23 июльдә узачак Туфан Миңнуллин исемендәге I Россия күләмендә драматурглар семинары турында сөйләгәндә.

“Безнең драматурглар Башкортстан сәхнәләрен дә тутырып тора. Бездә аларның кадерен белмиләр. Килер шундый көннәр – “Бирегез инде бер әсәр”. дип йөриячәкләр. Бездә кайчагында режиссерлар кылтаеп китәләр. Бәлки, барлык белән кылтая торганнардыр”, - ди ул аптырап.

Данил Салихов элек режиссерларның драматурглар белән бергә эшләвен искәртә, Рәфкать Бикчәнтәев белән Хәй Вахит, Туфан Миңнуллин белән Марсель Сәлимҗанов тандемын мисалга китерә.

“Юк диеп утырырга ярамый. Чакыр да әйт: Данил туганкаем, пьесаңны алдым, бу җире ошамый”, - диген. Бергәләп фикерләшер идек. Спектакль шулай туа”, - ди ул.

Мәгълүмат өчен. Драматург Данил Салиховның 32 әсәре төрле театрларда куелган. Шул исәптән, Башкортстан театрларында да. Быел Ногай театры “Туганлык” фестиваленә Данил Салихов әсәрен алып киләчәк.
 

КӨН ҮЗӘГЕНДӘ

"Татар-информ" VI Республика ифтарын онлайн күрсәтә

Трансляция бүген 18 сәгатьтә башлана.

Каравон рус халык бәйрәмен уздыру уңаеннан Татарстан Президенты мөрәҗәгате

Каравон киләчәктә дә күпмилләтле Татарстан халкының бердәмлеген, гореф-гадәтләрне саклап калуга һәм үстерүгә этәргеч бирер дип ышанам, диелә котлауда.

Эшмәкәрләр веломарафоны Тукай эзләре буйлап үтәчәк

Унынчы тапкыр үткәрелә торган веломарафонның озынлыгы 150 км.

Футбол буенча дөнья чемпионатына Роспотребнадзор кайнар линия ачты

Федераль хезмәт белгечләре кулланучылар хокукын яклау, санитария күзәтчелеге буенча консультацияләр бирә.

Алексей Песошин эшмәкәрләрне һөнәри бәйрәмнәре белән котлады

Бүген Россиядә эшмәкәрлек көне билгеләп үтелә.