Сәясәт

Россия халкының 83 проценты Путинның Президент вазифасындагы эшчәнлегеннән канәгать

Россиялеләрнең 57 проценты тулаем алганда илдә эшләр дөрес юнәлештә бара дип саный, бу – ел башыннан алып караганда иң югары күрсәткеч.
24.08 10:29
(Казан, 24 август, «Татар-информ»). Владимир Путинның Президент вазифасындагы эшчәнлеген гражданнарның 83 проценты хуплый, 15 проценты аның эшеннән канәгать түгел, дип хәбәр иткәнәр «Интерфакс»ка «Левада үзәге»ннән.
 
Дмитрий Медведевның Премьер-министр постындагы эшчәнлеге респондентларның 48 процентын канәгатьләндерсә, 51 проценты аннан канәгать түгел. Хөкүмәтнең эшчәнлеген Россия халкының 50 проценты хуплый, канәгать булмаучылар – 49 процент.
 
Дәүләт Думасы эшен респондентларның 42 проценты хупласа, 57 проценты аннан канәгать түгел. Россиялеләрнең 52 проценты үз губернаторларының эшчәнлеген хуплый, канәгать булмаучылар – 46 процент.
 
Сораштыру мәгълүматлары буенча, Россиялеләрнең 57  проценты тулаем алганда илдә эшләр дөрес юнәлештә бара дип саный, бу – ел башыннан алып караганда иң югары күрсәткеч. 29 проценты капма-каршы фикердә булса, 13 проценты җавап бирергә кыенсынган. 
 
Сораштыру 18-22 август көннәрендә Россиянең 48 төбәгендәге 137 торак пунктта 18 һәм аннан өлкәнрәк яшьтәге 1600 кеше арасында үткәрелгән.

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.