Татар дөньясы

Яшьләренең берләшүе татарлар өчен бик мөһим – Тольяттидан Зөлфия Галиханова

"Татар яшьләре көннәре" делегатларына Тольятти шәһәре яр буенда "Кичке уен" чарасын үткәрделәр.
28.08 15:01

(Тольятти, 28 август, "Татар-информ", Алмаз Шиһабетдинов). Кичә, "Татар яшьләре көннәре" делегатлары Тольяти шәһәрендә булды. Делегатлар теплоход белән килер алдыннан Тольятти татар мәдәни автономиясе әгъзалары "Кичке уеннар"га мәйдан әзерләп куйган. Мәйдан Тольяттиның иң матур урыннарының берсендә – шәһәрнең яр буенда урнашкан.

Дни татарской молодежи в Тольятти

Кичке уенга "Татар яшьләре көннәре"нең 150 делегатыннан тыш, Тольятти халкы да кушылды һәм бәйрәм кечкенә генә Сабан туена әйләнде.

"Кичке уеннар"да уеннар тукталмыйча бер-бер артлы дәвам итеп торды: йомырка куелган кашык кабып узышу, чиләк-көянтәләр белән су ташуда ярышу һәм башка уеннар узды. Делегатларның күңелдә калган мизгелләрнең берсе – зур боҗра ясап бию. Моның белән алар бөтендөнья татарларының бердәмлеген күрсәттеләр.

Дни татарской молодежи в Тольятти

"Тольятти шәһәрендә татар милли-мәдәнияте автономиясе 2001 елдан эшләп килә. Үзем 10 ел элек эшкә килдем. Һәрвакыт яшьләр белән эш алып барабыз. Ләйсән Наилевна Сафина белән тыгыз эш алып барабыз. Балаларны татар лагерларына җибәрәбез. Балаларыбыз үсте һәм хәзер "Татар яшьләре көннәре"ндә катнаша. Шушындый зур бәйрәмнәр татар яшьләрен берләштерә. Аларның берләшеп төрле шәһәрләрдә йөрүе үзләре өчен генә түгел, аларның туган шәһәрендәге татарлар өчен дә мөһим", – дип сөйләде "Татар-информ" хәбәрчесенә Тольятти шәһәренең татар мәдәни автономиясе башкарма директоры Зөлфия Галиханова.

Хәзерге мизгелдә делегатлар Болгар белән таныша.

Дни татарской молодежи в Тольятти

Исегезгә төшерәбез, 25-29 августта "Татар яшьләре көннәре" форумы уза. Форумда Россиянең 30 төбәгеннән һәм Канададан 147 делегат катнаша. Алар "Борис Полевой" теплоходында Ульяновск, Самара, Тольятти, Зөя һәм Болгар шәһәрләренә сәяхәт итә.

КӨН ҮЗӘГЕНДӘ

Шигырьләр турыдан-туры фәрештәләр аркылы языладыр - Рифат Сәлах

Рифат Сәлахның Татарстан китап нәшриятында "Ак фәрештә" дип исемләнгән шигырьләр җыентыгы чыкты.

“Татар кызы-2017”: Татарстан үзенең иң чибәр кызын билгеләде

Әлеге мәдәни чараны Бөтендөнья татар конгрессы Башкарма комитеты уздыра.

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

“Татар кызы” бәйгесе киләчәктә зур шоу булачак – Тәбрис Яруллин

Кичә Г.Тукай исемендәге Татар дәүләт филармониясенең концертлар залында “Татар кызы-2017” халыкара бәйгесенең Татарстан финалы үтте.

Разил Вәлиев: “Әлиф” спектале яшьләр иҗатын халыкка якынайта

Татарстанның халык шагыйре “Әлиф” хореографик спектакле турында үз фикерен белдерде.