Татар дөньясы

XXVII "Татар яшьләре көннәре" лидеры исеме билгеле булды

Ул – Әстерхан өлкәсеннән Данил Хәлморатов.
29.08 10:21

(Зөя, 29 август, "Татар-информ", Алмаз Шиһабетдинов). XXVII "Татар яшьләре көннәре"нең лидеры исеме билгеле булды. Ул – Әстерхан өлкәсеннән Данил Хәлморатов.

Лидерны сайлау ябылу тантанасына билгеләнгән иде. Һәр делегат үз тавышын бары тик бер генә конкурсантка бирә алды. "Үз кешесенә өстәмә тавыш бирү теләге булса да, бездә күп елларга тупланган тәҗрибә бар", – диде "Идел" яшьләр үзәге җитәкчесе Ләйсән Сафина.

"Татар яшьләре көннәре" лидерын сайлау инде 12 уздырыла. Форумны оештыручы, "Идел" яшьләр үзәге җитәкчесе Ләйсән Сафина тавыш бирүче делегатларга лидерны сайлаганда ел әйләнәсендә эшләнелгән эшләргә игътибар юнәлтергә киңәш итте.

Ир сүзе кыска һәм төгәл булган кебек үк, Данил да "Без – татарлар, без булдырабыз", – дип әйтте.

Исегезгә төшерәбез, 25-29 августта "Татар яшьләре көннәре" форумы узды. Форумда Россиянең 30 төбәгеннән һәм Канададан 147 делегат катнашты. Алар Ульяновск, Тольятти, Самара, Зөя һәм Болгар шәһәрләренә сәяхәт кылды.

КӨН ҮЗӘГЕНДӘ

Татар дәүләт филармониясе хәйрия концертларында бер миллион сумнан артык акча җыярга уйлый

Габдулла Тукай исемендәге Татар дәүләт филармониясе 21 – 26 июнь көннәрендә Филармония скверында хәйрия концертлары оештыра.

Казанда дөнья чемпионатында 200гә якын халык фольклор коллективы чыгыш ясаячак

Җанатарлар фестивалендә чыгыш ясау өчен, Мәдәният министрлыгы тарафыннан 680 башкаручы теркәлгән.

Башкорт кинорежиссеры Айнур Аскаровның “Буран” проекты федераль грантка ия булды

Россия Федерациясе Мәдәният министрлыгының Авторлык һәм эксперименталь кино эксперт советы 68 гаризадан 35 проектны сайлап алган.

Камил хәзрәт Сәмигуллин Татарстан имамнарының ГТО тапшырачагын әйтте

“Без имамнарның формада булуын телибез”, - ди мөфти.