Татар дөньясы

Алтай татарлары тарихка багышланган чара уздырган

Чарада катнашучылар үзләренең кече ватаннары - туган яклары тарихлары белән таныштырган.
29.08 20:48

(Казан, 29 август, "Татар-информ", Лилия Локманова). Алтай өлкәсендәге "Дулкын" татар мәдәнияте үзәге "Туган ил" дип исемләнгән белем бирү чарасын уздырган. Бу хакта "Татар-информ" мәгълүмат агентлыгына үзәкнең актив әгъзасы Артем Зиннәтуллин хәбәр итте. Аның сүзләренчә, "Дулкын"да ел дәвамында "Алтын мирас" тарих яратучылар берләшмәсе эшли. Əлеге очрашуны да шул берләшмә вәкилләре оештырган.

"Чарада катнашучылар үзләренең кече ватаннары - туган яклары тарихлары белән таныштырды. Аларның чыгышларын эчтәлекле презентацияләр бизәде. Шулай ук татар халкы тарихына багышланган кыска ролик күрсәтелде. Очрашуга килүчеләр мондый чаралар алга таба да дәвам итсен иде, дигән теләген җиткерде", - диде Артем Зиннәтуллин. Сүз уаеннан, татар тарихына багышланган чара Барнаул хакимияте гранты ярдәмендә уздырылган.
 

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.