Татар дөньясы

Татар булуыгыз белән горурланып яшәгез - Ләйсән Сафина

"Идел" яшьләр үзәге җитәкчесе Ләйсән Сафина "Татар яшьләре көннәре" делегатларына үз теләкләрен әйтте.
29.08 21:35

(Зөя, 29 август, "Татар-информ", Алмаз Шиһабутдинов). "Татар булуыгыз белән Казанда, Татарстанда гына түгел, ә үз төбәкләрегездә дә горурланып яшәгез" - диде XXVII "Татар яшьләре көннәре"нең ябылу тантанасында "Идел" яшьләр үзәге җитәкчесе Ләйсән Сафина.

"Мин ерак араларны якын итеп килә алуыгызга шатмын. Бик күп еллар буе "Татар яшьләре көннәре"нә килеп, үзенә яңалык алырлык яшьләр бар икән, без юкка эшләмибез дигән сүз. Алга таба да шулай барсын иде. Казанда, Татарстанда гына түгел, ә үзегезнең төбәгегездә татар булуыгыз белән горурланып яшәгез һәм шушы горурлыкны үзегездән соң килә торган буынга да калдырсагыз иде. Бергә булган кадерле минутлар һәрберегезнең күңелендә калсын", - дип сөйләде "Идел" яшьләр үзәге җитәкчесе Ләйсән Сафина.

Исегезгә төшерәбез, 25-29 августта "Татар яшьләре көннәре" форумы узды. Форумда Россиянең 30 төбәгеннән һәм Канададан 147 делегат катнашты. Алар Ульяновск, Тольятти, Самара, Зөя һәм Болгар шәһәрләренә сәяхәт кылды.
 

КӨН ҮЗӘГЕНДӘ

Шигырьләр турыдан-туры фәрештәләр аркылы языладыр - Рифат Сәлах

Рифат Сәлахның Татарстан китап нәшриятында "Ак фәрештә" дип исемләнгән шигырьләр җыентыгы чыкты.

“Татар кызы-2017”: Татарстан үзенең иң чибәр кызын билгеләде

Әлеге мәдәни чараны Бөтендөнья татар конгрессы Башкарма комитеты уздыра.

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

Мәскәүдә “Урман күле” исемле татар яшьләре форумы узачак

“Форумның максаты - яшьләрне татар оешмалары эшчәнлегенә җәлеп итү”, - ди проект авторы Римма Гомәрова.

“Татар-информ” Татарстан Республикасы Дәүләт Советының 31нче утырышын онлайн-трансляцияли

Трансляцияне http://www.tatar-inform.ru/internet-tv/1785/ интернет-сылтамасы аша карап булачак.