Икътисад, Фән һәм мәгариф

Россиялеләр баланы мәктәпкә җыюга уртача 12,7 мең сум сарыф иткән

Хөкүмәт мәгълүматларына караганда, укучылар саны быел 1 миллион укучыга артачак, шул исәптән беренче сыйныфка 100 мең укучы бара.
30.08 10:15

(Казан, 30 август, "Татар-информ"). Быел россиялеләргә бер баланы мәктәпкә җыю, узган елга караганда, 14 процентка кимрәк бәягә төшкән. Бөтенроссия җәмәгатьчелек фикерен өйрәнү үзәге (ВЦИОМ) ясаган телефон сораштыруы күрсәткәнчә, бу максатларга ата-аналар уртача 12,7 мең сум сарыф иткән.

“Известия” язганча, чыгымнар аяк киеме һәм өске киемнән кала, барлык позицияләр буенча кимегән. Мәсәлән, алмаш аяк киеме белән мәктәп формасы ата-аналарга якынча 6,4 мең сумга төшкән (узган елда — 5,9 мең сум). Ә дәреслекләргә якынча 1,2 мең тотылган, портфель, язу-кирәк яракларына - 1,7 мең сум.

Моннан тыш, быел “Мәктәп администрациясе белән ата-аналар арасындагы килешү буенча акча түләү” буенча да чыгымнар кимү билгеләп үтелә. Кагыйдә буларак, сүз мәктәпне саклау һәм сыйныфка төрле җиһазлар сатып алу хакында бара. Уртача алганда, бу максатларга 649 сум бирелә.

Мәктәпкә әзерләү буенча иң зур чыгымнарны социологлар 2015 елда теркәгән. Ул чакта ул 20 026 сум тәшкил иткән.

Хөкүмәт мәгълүматларына караганда, укучылар саны быел 1 миллион укучыга артачак, шул исәптән беренче сыйныфка 100 мең укучы бара.
 

КӨН ҮЗӘГЕНДӘ

Казанда Шиһабетдин Мәрҗанигә багышланган нәфис фильм тәкъдим ителде

Фильм Шиһабетдин Мәрҗани еллыгы уңаеннан төшерелгән.

19 февральнең төп вакыйгалары - фото һәм сылтамалар

Ринат Таҗетдинов "Дуслык ордены" белән бүләкләнде, Кырым татарларының тулы тарихы языла, Казанда Шиһабетдин Мәрҗани каберен зыярәт кылдылар.

Эш эзләүчеләргә "Казан ярминкәсе"ндә 700 эш урыны тәкъдим ителәчәк

20-22 февральдә “Мәгариф. Карьера” күргәзмәсендә “Эш урыннары ярминкәсе” уздырыла.

2017 елда Татарстанда 17 муниципаль архив ремонтланды

Архивларны төзекләндерү мөһим документларның сакланышын тәэмин итә.

Миңнеханов “Бердәм Россия” партиясе Югары Советы Бюросы утырышында катнашты

Халыктан кергән мөрәҗәгатьләр һәм шикаятьләр белән эшләүдә Татарстан проекты — “Халык контроле” билгеләп үтелде.