Сәясәт, Рәсми Татарстан

Чистай Башкарма комитеты җитәкчесе үз вазифасыннан китте

Виктор Шурыгин алгарышлы социаль-икътисади үсеш территориясе эшен оештыру белән шөгыльләнәчәк.
31.08 15:12

(Казан, 31 август, «Татар-информ»). Бүген Чистай шәһәре Башкарма комитеты җитәкчесе Виктор Шурыгин вакытыннан алда үз вазифасыннан китте. Аның отставкасын Чистай шәһәр Советы депутатлары кабул итте, дип яза «Чистопольские известия» газетасы.

Татарстанның Чистай шәһәре һәм районы башлыгы Дмитрий Иванов депутатларга Шурыгинның үз ярдәмчесе итеп билгеләнәчәге хакында хәбәр итте. Әлеге вазифада ул алгарышлы социаль-икътисади үсеш территориясе эшен оештыру белән шөгыльләнәчәк.

Иванов, шәһәр Башкарма комитетын 2014 елның июненнән бирле җитәкләгән түрәгә рәхмәт белдереп, аңа Мактау грамотасы тапшырды.

Башкарма комитет җитәкчесе вазифасына кандидатуралар ай дәвамында билгеләнәчәк, шуннан соң конкурста җиңүчене чираттагы сессиядә шәһәр Советы депутатлары сайлаячак.

 


 

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.