Икътисад

Киров районында урнашкан сулыкларне чистартуга 637,9 мең сум акча бүленәчәк

Бу акчалар хисабына Аккош күленең биш сулыгы һәм район читендәге Куйбышев сусаклагычының яр буйлары чүп-чардан чистартылачак.
31.08 16:42

(Казан, 31 август, «Татар-информ», Алия Җиһаншина). 15 октябрьгә кадәр Казанның Киров районында урнашкан сулыклар чистартылырга тиеш. Җитәкчеләр Аккош күленең биш сулыгында һәм район читендәге Куйбышев сусаклагычының яр буйларында “генераль җыештыру” ясарга уйлый. Бу максатларда Киров һәм Мәскәү районы администрацияләре 637 942 сумга тендер игълан иткән.

Эшләрне башкарачак оешма сулыкларның киңлеген һәм ярларны бака ефәгеннән, сынып төшкән агачлардан, коры яфрак һәм ботаклардан, шулай ук көнкүреш калдыкларыннан чистартырга һәм аларның барысын да каты көнкүреш калдыклары полигонына алып чыгарга тиеш. Гомумән алганда, 60 мең квадрат метр мәйданда тәртип урнаштырырга туры киләчәк.
 

КӨН ҮЗӘГЕНДӘ

Быел КФУ да "Татар теле, әдәбият, журналистика" программасы буенча 16 бюджет урыны булачак

“Бюджет урыннары шактый: педагогик белем бирү бүлегендә - 25, филологиядә 16 бюджет урыны булачак”, - диде Әлфия Йосыпова.

«Татар-информ» Ринат Таҗетдиновның юбилей кичәсен онлайн күрсәтә

Тантаналы кичә программасында - спектакльләрдән өзекләр һәм актерның иҗатташ дусларыннан котлаулар.

Галим Гомәр Саттаров телне саклауда кеше исемнәре зур әһәмияткә ия, дип саный

Исем сайлау - катлаулы һәм җаваплы эш, һәм исем җисеменә туры килергә тиеш, ди Казан ономастика мәктәбенә нигез салган галим.

“Мәрхәмәтлелек кәрзине” марафонында катнашучы районнар билгеле

Болар – Татарстанның биш муниципаль берәмлеге: Әлки, Яшел Үзән, Балык Бистәсе, Кайбыч һәм Биектау районнары.

Татарстанның аз керемле 2 мең пенсионеры бушлай азык-төлек алачак

Пенсионерларга тиз искерми торган он, шикәр комы, үсемлек мае, чәй, консерва кебек ризыклар таратыла.