Сәясәт

Россиядә порошоктан ясалган исерткеч эчемлекне тыячаклар

Әлеге порошок Америка кушма штатлары һәм Европа Союзы дәүләтләрендә тыелган.
31.08 19:19

(Казан, 31 август, “Татар-информ”). Россиядә спиртлы порошок продукциясен җитештерү дә, аның әйләнеше дә тыелачак. Бу хакта Министрлар Кабинеты утырышында Хөкүмәт рәисе Дмитрий Медведев белдерде.

Хокук бозу өчен юридик затларга 200-500 мең сумлык административ штрафлар кертү күздә тотыла. Ә вазифаи затларга – 20-50 мең сум, гади гражданнарга 5-20 мең сум күләмендә штраф кертү тәкъдим ителә.

“Порошоктан ясалган исерткеч эчемлеккә бәйле проблема бар", – дип саный Медведев. Порошокка тиешле күләмдә су кушкач, ул алкоголь продукциясенә әйләнә. Бу “суррогат” дөнья буенча таралган.

“Мондый продукция сәламәтлеккә куркыныч, кеше аның белән агуланырга, шулай ук эчке органнарга зыян килергә мөмкин”, – дип, медицина белгечләре фикерен җиткерде премьер-министр.

Әлеге порошок Америка кушма штатлары һәм Европа Союзы дәүләтләрендә тыелган, дип яза “Российская газета”. 

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.