Икътисад

Татарстан эшчеләрне җәлеп итүче Россия өлкәләренең беренче бишлегенә кергән

Татарстан 67,3 индексы белән рейтингта бишенче урынны алган.
31.08 19:36

(Казан, 31 август, «Татар-информ»). «РИА Рейтинг» 2016 ел йомгаклары буенча Россия төбәкләрендәге хезмәт базарының чираттагы индексын тәкъдим иткән. Рейтингта бишенче урынны 67,3 индексы белән Татарстан Республикасы алган.

Белгечләр вазгыятьне бәяләү өчен 2016 елның йомгаклары буенча хезмәт базары индексын исәпләгән. Ул төбәктәге мәшгульлек дәрәҗәсеннән тыш, аның мөмкин булган эшче өчен җәлеп итүчәнлеген дә билгели. Индексны исәпләгәндә тугыз күрсәткеч, шул ук вакытта – хезмәт хакы дәрәҗәсе, мәшгульлек, хезмәт шартлары, хезмәт базарының сыйдырышлылыгы анализланган.

2015 ел йомгаклары белән чагыштырганда, хезмәт базары индексы буенча беренче бишлеккә кергән алдынгылар үзгәрмәгән. Беренче урында – Мәскәү (88,8), икенчедә - Санкт-Петербург (85,2), өченчедә – Мәскәү өлкәсе (78,1) тора. Индекс күрсәткече 70 баллдан артып киткән тагын бер төбәк – Ханты-Манси автономияле округы – Югра. Бишенче урында – Татарстан.

Рейтингның соңгы урыннарын Карачай-Чиркәс Республикасы (10,1) һәм Ингушетия (9,8) алып тора.

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.