Фән һәм мәгариф

Казанның 3 нче гимназиясендә экология сыйныфы ачылды

Дәресләрне республика Экология һәм табигый байлыклар министрлыгы хезмәткәрләре, иҗтимагый экология хәрәкәтләре активистлары үткәрәчәк.
02.09 17:36

(Казан, 2 сентябрь, «Татар-информ»). Экология дәресләре, Казан зоопаркы һәм Идел-Кама тыюлыгына экскурсия, агачлар утырту һәм макулатура җыю – әлеге һәм башка табигатьне саклау чаралары ел дәвамында Казанның 3 нче гимназиясенең 1 «а» сыйныфында узачак. Быел Белем көнендә уку йортында экология сыйныфы ачылды. Бу хакта республика Экология һәм табигый байлыклар министрлыгы хәбәр итә.

В День знаний в казанской гимназии № 3 открылся экологический класс

Табигать турындагы беренче дәресне беренче сыйныфларга республика Экология һәм табигый байлыклар министрлыгының экологик белем һәм иҗтимагый оешмалар белән элемтә бүлегенең әйдәп баручы белгече Елена Гыйльмиҗанова уздырды. Ул мәктәп укучыларына туган якның табигый байлыклары турында сөйләде. Уку елы барышында балалар республиканың табигате белән якыннанрак танышачак. Бу максатларда 1 «а» сыйныфында атнага ике тапкыр экология дәресләре узачак. Аларны республика Экология һәм табигый байлыклар министрлыгы хезмәткәрләре, иҗтимагый экология хәрәкәтләре активистлары үткәрәчәк.

Уку йортында профиль сыйныфын ачу гимназиядәге данлыклы экологик традицияләрнең дәвамы булып тора. 1990 елның сентябрендә белем бирү учреждениесендә экологик лицей ачылган, ә 1999 елда экологик юнәлешле гимназия статусы бирелгән. Белем бирү йортының директоры Александр Морозов белдерүенчә, зур тормышка экологик яктан белемле кешеләр булып бассын өчен, мәктәп чорында ук балаларда табигатькә карата сакчыл караш тәрбияләргә кирәк. Шул максат белән 3 нче гимназиядә экодәресләр, табигатьне саклау акцияләре һәм әйләнә-тирәне саклау буенча интерактив чаралар үткәрелә.

В День знаний в казанской гимназии № 3 открылся экологический класс

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.