Икътисад

Наил Маганов: Нефтьчеләрнең максаты - халыкка имин һәм уңай шартлар тудыру

"Энергетика илебезнең иң мөһим өлкәләренең берсе. Без елына 365 тәүлек ялларсыз эшлибез", - диде "Татнефть" башлыгы.
02.09 21:05

(Әлмәт, 2 сентябрь, "Татар-информ", Алмаз Шиһабетдинов). Нефтьчеләрнең максаты - халыкка имин һәм уңай шартлар тудыруы. Бу хакта "Татнефть" гаммәви акционерлык җәмгыяте генераль директоры Наил Маганов Әлмәттә нефтьчеләр көне уңаеннан уздырылган бәйрәмнән соң журналистлар белән очрашуда әйтте.

Наил Маганов Әлмәттә нефтьчеләр көне бәйрәменең халыкка бу һөнәрнең әһәмиятен күрсәтү өчен уздырылганын билгеләп үтте.

"Без эш кешесенең бәйрәмен ясарга теләдек. Халыкка үзебезнең эшчәнлекне, эш коралларыбызны күрсәттек. Энергетика безнең илебезнең иң мөһим өлкәләренең берсе. Без иртән эшкә чыгабыз, кич кайтып керәбез, тәүлек әйләнәсендә, елына 365 көн ялларсыз эшлибез. җир астыннан алган энергияне халыкка җиткерү, имин һәм уңайлы шартлар тудыру - төп максатыбыз. Аларга ирешсәк, без бик шат", - дип сөйләде "Татнефть" гаммәви акционерлык җәмгыяте генераль директоры Наил Маганов.

Исегезгә төшерәбез, бүген Шашин исемендәге «Татнефть» гаммәви акционерлык җәмгыяте коллективы «Татарстан Республикасы алдындагы казанышлары өчен» ордены белән бүләкләнде. 

КӨН ҮЗӘГЕНДӘ

Татар дәүләт филармониясе хәйрия концертларында бер миллион сумнан артык акча җыярга уйлый

Габдулла Тукай исемендәге Татар дәүләт филармониясе 21 – 26 июнь көннәрендә Филармония скверында хәйрия концертлары оештыра.

Казанда дөнья чемпионатында 200гә якын халык фольклор коллективы чыгыш ясаячак

Җанатарлар фестивалендә чыгыш ясау өчен, Мәдәният министрлыгы тарафыннан 680 башкаручы теркәлгән.

Башкорт кинорежиссеры Айнур Аскаровның “Буран” проекты федераль грантка ия булды

Россия Федерациясе Мәдәният министрлыгының Авторлык һәм эксперименталь кино эксперт советы 68 гаризадан 35 проектны сайлап алган.

Камил хәзрәт Сәмигуллин Татарстан имамнарының ГТО тапшырачагын әйтте

“Без имамнарның формада булуын телибез”, - ди мөфти.