Фән һәм мәгариф

Кукмараның Вахит авылында башлангыч мәктәп ачылды

Биредә барлыгы 47 сабый белем алачак
03.09 20:00

(Кукмара, 3 сентябрь, "Татар-информ", "Хезмәт даны", Лилия Нургалиева). Кукмара районы Вахит авылы ныклы тормыш белән яши. Шуңа күрә биредә гаилә коручы яшь парлар да күп, балалар саны да башка җирлекләр белән чагыштырганда шактыйга артык, дип яза kukmor-rt.ru сайты.

Авылда башлангыч мәктәп бинасы озак еллар игелекле хезмәт итеп тузган иде инде. Соңгы берничә елда укучылар авылдагы балалар бакчасына "сыенып", андагы берничә бүлмәдә белем алдылар. Шуңа күрә бу авыл балаларын Янил авылындагы урта мәктәптә укыту мәсьәләсе дә күтәрелгән иде. Вахитов исемендәге күмәк хуҗалык җитәкчесе Нәфыйк Хөсәенов балалар бакчасы бинасын зурайтып, анда башлангыч мәктәпне ачу тәкъдиме район җитәкчелеге тарафыннан хуплана һәм узган елның октябрь аенда "Строй-Гарант" оешмасы тарафыннан беренче нигез ташы салына. Шулай итеп, берничә ай эчендә авылда эр-яңа башлангыч мәктәп сафка басты. Биредә барлыгы 47 сабый белем алачак.

 

КӨН ҮЗӘГЕНДӘ

Татар дәүләт филармониясе хәйрия концертларында бер миллион сумнан артык акча җыярга уйлый

Габдулла Тукай исемендәге Татар дәүләт филармониясе 21 – 26 июнь көннәрендә Филармония скверында хәйрия концертлары оештыра.

Казанда дөнья чемпионатында 200гә якын халык фольклор коллективы чыгыш ясаячак

Җанатарлар фестивалендә чыгыш ясау өчен, Мәдәният министрлыгы тарафыннан 680 башкаручы теркәлгән.

Башкорт кинорежиссеры Айнур Аскаровның “Буран” проекты федераль грантка ия булды

Россия Федерациясе Мәдәният министрлыгының Авторлык һәм эксперименталь кино эксперт советы 68 гаризадан 35 проектны сайлап алган.

Камил хәзрәт Сәмигуллин Татарстан имамнарының ГТО тапшырачагын әйтте

“Без имамнарның формада булуын телибез”, - ди мөфти.