Дин

Рәфыйк Мөхәммәтшин: Болгар ислам академиясендә өч чит ил мөгаллиме эшләячәк

Лекцияләр уку өчен Абдурраззак Әс-Саади, Исмаил Буль-буль һәм Хәмделла Сафти чакырылган.
03.09 17:04
(Казан, 3 сентябрь, «Татар-информ», Рөстәм Килсинбаев). Болгар ислам академиясендә өч чит ил мөгаллиме магистрант һәм докторантларга лекцияләр укыячак. Бу хакта «Татар-информ» агентлыгына әлеге дини уку йортының ректоры Рәфыйк Мөхәммәтшин хәбәр итте. 
 
«Укытучылар составы билгеләнгән инде. Магистр программаларында, бакалавриаттан аермалы буларак, фәннәр  кимрәк. Шунлыктан биредә укытучылар саны да азрак булачак. Әмма аларның белем дәрәҗәсе күпкә югарырак, ягъни профессорлар булырга тиеш. Сентябрьдән бездә мөселман илләреннән килгән өч мөгаллим даими нигездә эшли башлаячак. Лекцияләр уку өчен Абдурраззак Әс-Саади, Исмаил Буль-буль һәм Хәмделла Сафти чакырылган», – диде ул.
 
Моннан тыш, чит ил укытучыларының күбесе академиядә чакырылган профессорлар сыйфатында эшләячәк. 
 
«Академиядә докторантураны алып барачак дүртенче мөгаллим дә булыр, мөгаен, – дип ассызыклады Рәфыйк Мөхәммәтшин. – Без Сүриянең танылган дин галиме Зөхәйли белән сөйләшүләр алып барабыз. Ул ризалык бирде инде. Калганнары чакырылган профессорлар сыйфатында эшләячәк. Әлеге мөгаллимнәр белән башлангыч килешүләр төзелгән, алар ел дәвамында безгә килеп, үз фәннәрен укытачак».
 
Шунысын да искәртик: 4 сентябрьдә Болгар ислам академиясендә беренче уку елы башлана.

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.