Җәмгыять, Фән һәм мәгариф

Әлмәттә "Без кагыйдә буенча яшәү өчен!" акциясе үтте

Өч балалар бакчасы берләшеп "Без кагыйдә буенча яшәү өчен!" акциясен үткәрде.
04.09 21:30

(Казан, 4 сентябрь, "Татар-информ"). Республикада 21 августтан 10 сентябрьгә кадәр "Игътибар – балалар!" девизы астында кисәтү чаралары уза. Әлмәт тә читтә калмады, дип хәбәр итә әлеге район администрациясе матбугат хезмәте.

Өч балалар бакчасы берләшеп "Без кагыйдә буенча яшәү өчен!" акциясен үткәрде. Акциядә катнашучылар, шәһәр үзәгендә җыелып, өлкәннәргә юл йөрү кагыйдәләрен үтәү мөһимлеген искә төшерде. Әмма алар бу эшне гади генә итеп түгел, ә флешмоб итеп оештырды. Оештыручылар хәбәр иткәнчә, өлкәннәргә бала мөрәҗәгать итсә, бөтенләй башка нәтиҗә була.

Кыска, ләкин эчтәлекле шигырьләрдән кала сабыйлар юл йөрү кагыйдәләре турында тематик бию әзерләгән иде.

Чарада автоинспекция хезмәткәре дә катнашты. ЮХИДИ инспекторы Артем Михеев искәртеп узганча, балалар катнашында юл-транспорт һәлакәтләре берничә тапкырга азрак булган. Димәк, мондый акцияләр үз нәтиҗәләрен күрсәтә. Ахырдан барлык акциядә катнашучыларга киемдә яктылыкны кире кайтаручы элементлар бүләк иттеләр.
 

КӨН ҮЗӘГЕНДӘ

Губкин исемендәге университетта укучы татар студентлары милли мәдәният көнен бәйрәм итте

"Якташ" клубы - уку йортындагы татар студентларын берләштергән уникаль оешма.

"Рубин" Тулада "Арсенал" белән тигез исәпкә уйнады

Казан командасы турнир таблицасының 10 нчы баскычында калды.

18 ноябрьнең төп вакыйгалары - фото һәм сылтамалар

Рөстәм Миңнеханов Кытайга сәфәр кылды, "Ак Барс" яңа уенчы белән килешү төзеде, Минзәлә театрында "Иблис" премьерасында аншлаг көтелә.

Альбина Шаһиморатова әтисенең концертында катнашу өчен Казанга махсус кайтты

С.Сәйдәшев исемендәге Зур концерт залында бүген дөньякүләм танылган опера җырчысы, баянга кушылып, әтисе язган җырны башкара.

Татарстанда томан төшә һәм җепшек кар явуы көтелә

Төнге һава температурсы -5 градуска кадәр төшә.