Дин

Ефәк юлы, Җир буенча барып, Күккә илтергә тиеш – митрополит Феофан

"Рухи ефәк юлы: Иҗат. Берләшү" дип исемләнгән II фәнни халыкара конференциядә Казан һәм Татарстан митрополиты Феофан да катнашты.
05.09 07:48

(Казан, 5 сентябрь, “Татар-информ”). Кичә, 4 сентябрьдә, Болгарда дин галимнәренең  "Рухи ефәк юлы: Иҗат. Берләшү" II фәнни халыкара конференциясе уздырылды. Чарада Казан һәм Татарстан митрополиты Феофан да катнашты, дип хәбәр итә Татарстан мөселманнарының Диния нәзарәте матбугат хезмәте.

“Ефәк юлы - товар белән алыш-биреш итү генә түгел, ә цивилизацияләр тоташкан урын, - дип билгеләде митрополит Феофан конференциядәге чыгышында. - Бөек Ефәк юлы буенча кем йөргән? Төрле дин, мәдәният һәм милләт вәкилләре. Әлеге юл аша халыкларның үзара багланышлары барган.

“Кешене үзәккә куеп, Аллаһны онытырга” дигән сүзләрне хәзер еш әйтәләр, ләкин бу очракта үзеңнең иманыңны һәм рухи кыйммәтләреңне саклап калу омтылышы кирәклеге тагын да көчәя. Аллаһның закончылыкларын бозу - үзеңне һәлак итүгә юл. Мин күп мөселманнар белән аралашканым бар, ләкин алар мине беркайчан да ышануларымнан кире кайтарырга тырышмадылар. Исламга карата ышанычны террорчылар бетерергә тели. Ялган идеяләр белән кешеләр арасын боза, аларны аера башладылар. Безнең Рухи Ефәк юлыбыз бер булырга - Җир буенча барып, Күккә илтергә тиеш”, - диде митрополит үз чыгышында, диелә матбугат хәбәрендә.

 

КӨН ҮЗӘГЕНДӘ

Губкин исемендәге университетта укучы татар студентлары милли мәдәният көнен бәйрәм итте

"Якташ" клубы - уку йортындагы татар студентларын берләштергән уникаль оешма.

"Рубин" Тулада "Арсенал" белән тигез исәпкә уйнады

Казан командасы турнир таблицасының 10 нчы баскычында калды.

18 ноябрьнең төп вакыйгалары - фото һәм сылтамалар

Рөстәм Миңнеханов Кытайга сәфәр кылды, "Ак Барс" яңа уенчы белән килешү төзеде, Минзәлә театрында "Иблис" премьерасында аншлаг көтелә.

Альбина Шаһиморатова әтисенең концертында катнашу өчен Казанга махсус кайтты

С.Сәйдәшев исемендәге Зур концерт залында бүген дөньякүләм танылган опера җырчысы, баянга кушылып, әтисе язган җырны башкара.

Татарстанда томан төшә һәм җепшек кар явуы көтелә

Төнге һава температурсы -5 градуска кадәр төшә.