Дин

Татарстанга илаһият белгечләре җыелды

"Рухи Ефәк юлы: Иҗат. Берләшү" II халыкара фәнни-илаһият белеме конференциясендә 200 дән артык дин белгече фикер алыша.
05.09 11:34
(Казан, 5 сентябрь, “Татар-информ”, Мөршидә Кыямова.) 3-5 сентябрь көннәрендә Татарстанда «Рухи Ефәк юл: Иҗат. Берләшү" II халыкара  фәнни-илаһият белеме конференциясе бара. Бүген “Корстан” мәдәни күңел ачу һәм сәүдә үзәгендә дини форум үз эшчәнлеген дәвам иттерә.
 
Халыкара проектта Россиянең дин әһелләре, мөфтиләр, илаһият белгечләре, Россия, Кытай, Казакстан, Үзбәкстан, Кыргызстан һәм Таҗикстан мәселман оешмалары җитәкчеләре һәм мөгалимнәр катнаша.
 
 
Конференциядә катнашучылар берничә секциягә бүленеп эшләячәк. Шулай ук проект барышында түгәрәк өстәл оештыру да каралган. Бу конференция Россия, Кытай, Үзәк Азия мәмләкәтләре һәм Европа илләренең дини идарәләре, шулай ук дини оешмаларының үзара хезмәттәшлек итү мәйданы булып тора. Анда заманның көнүзәк мәсьәләләренә уртак караш булдыру күздә тотыла.  Экстремизм һәм терроризмга каршы көрәшүдә тәҗрибә алмашалар. Конференциядә ислам дине тынычлык дине буларак карала. Дин белгечләре яшьләрне гадилек, дуслык һәм дини түземлелек кебек гомумкешелек кыйммәтләрендә тәрбияләү турында фикер алыша.
 
Мәгълүм булганча, фәнни илаһият белеме конференциясенең беренчесе 2016 елның июль  аенда Кытайның  Өремче шәһәрендә узган иде.
 
Халыкара проект  Россия Мөфтиләр шурасы рәисе, мөфти шәех Равил Гайнетдин башлангычы һәм Татарстан Президенты Рөстәм Миңнеханов, Татарстан Хөкүмәте ярдәме белән оештырыла.

 

КӨН ҮЗӘГЕНДӘ

22 ноябрьнең төп вакыйгалары - фото һәм сылтамалар

Данис Зариповның спорттан читләштерелү вакыты төгәлләнде, Галиев мәчетендә Мәүлид бәйрәме узачачак, иң яхшы Коръән-хафиз билгеле булды.

Егетләрнең уеныннан канәгать калдым – Зиннәтулла Билалетдинов

"Ак Барс" хоккей командасы баш тренеры "Салават Юлаев"ка каршы уенга үз бәясен бирде.

Киләчәктә Казанда Татар хатын-кызлары музее ачылырга мөмкин

Татар мөслимәләре корылтаеның 100 еллыгына күргәзмә ачылды.

Лилия Габдрәфыйкова: Хатын-кызның мәчеткә керә алуы - Мөслимәләр корылтаеның бер казанышы

Ислам мәдәнияте музеенда Бөтенроссия мөслимәләр корылтаеның 100 еллыгына багышланган "Таң атканда..." исемле күргәзмә эшли башлады.