Дин

Мьянма мөселманнарына карата геноцид методлары кулланыла – Рушан хәзрәт Аббасов

Мөфтиләр шурасы рәисенең беренче урынбасары Мьянма мөселманнарына рухи яктан гына түгел, матди һәм сәяси яктан да ярдәм күрсәтергә кирәк дип саный.
05.09 13:15
(Казан, 5 сентябрь, “Татар-информ”, Мөршидә Кыямова). Мьянма мөселманнарына ярдәмне рухи яктан гына түгел, матди һәм сәяси яктан да күрсәтергә кирәк. Бу хакта  бүген “Татар-информ” хәбәрчесенә Татарстан Мөфтиләр шурасы рәисенең беренче урынбасары Рушан хәзрәт Аббасов хәбәр итте.
 
 “Бу хәлләр безне дә куркыта, - ди Рушан Аббасов. – Интернет, социаль челтәрләр аша күреп торабыз. Әлеге котычкыч күренешләрне беркем дә тыныч кына күзәтми. Россиядә дә мөселман өммәтеннән булганнар, аларга җиңеллек сорап догаларлар кылып тора. Анда бик күп ятим балалар, фәкыйрь-мескеннәр бар. Аларга матди ярдәм күрсәтергә кирәк. Безнең хәйрия фондларыбыз, мәхәлләләр акча җыю мәсьәләләрен оештыра. Үзебезнең хәлебездән килгәнчә, ярдәм итәчәкбез. Ә сәяси якка килгәндә, бүгенге көндә бик күп митинглар уздырыла. Грозныйда 1 миллионнан артык халык җыелып митинг оештырган. Мәскәүдә рәсми рәвештә килешелмәгән митинглар уздырырга ярамый, әмма без  Мәскәү хөкүмәте белән бу хакта сөйләшергә мөмкинлегебез бар. Якын киләчәктә, Мьянмадагы коточкыч хәлләргә каршылык белдереп, канун нигезендә митинглар уздыра алабыз. Болгарда Ислам академиясен ачкан вакытта Равил хәзрәт Гайнетдин дә бу хакта хәбәр итте. Россия мөселманнары гына түгел, дөнья мөселманнары берләшеп бу мәсьәләне хәл итәргә тиеш. Безгә килгән мәгълүматлар буенча, Мьянма мөселманнарын торган җирләреннән куарга тырышалар. Алар кайбер вакытта качып китәргә дә мәҗбүр. Чын мәгънәсендә геноцид алымнары белән халыкны җәберлиләр. XXI гасырда мондый хәлне күз алдына китерергә дә куркыныч”. 
 
Хәзрәт сүзләренә караганда, Россия тарафыннан  бер ай дәвамында гуманитар ярдәм күрсәтү эшләре карала. Россия мөселманнары 5 октябрьгә кадәр сәдакә, ягъни финанс ярдәм күрсәтүне оештырачаклар. Хәзерге вакытта ярдәмне юридик яктан дөрес итеп оештыру мәсьәләләре тикшерелә. 

   

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.