Фән һәм мәгариф

Рус телле балаларга татар теле дәүләт теле буларак укытылачак - Әлфия Йосыпова

Яңа концепция быел май аенда кабул ителгән.
05.09 13:45

(Казан, 5 сентябрь, “Татар-информ”, Гүзәл Насыйбуллина). Рус телле балаларга татар телен нәтиҗәлерәк өйрәтү максатыннан татар теле һәм әдәбиятын укытуның яңа концепциясе булдырылган. Татар телен тиздән ике юнәлешкә бүлеп - туган тел һәм дәүләт теле буларак укытачаклар. Моның өчен яңа дәреслекләр әзерләнә. Бу хакта “Татар-информ” мәгълүмат агентлыгы тарафыннан үткәрелгән матбугат конференциясендә Татаристика һәм тюркология Югары мәктәбе җитәкчесе Әлфия Йосыпова хәбәр итте.

“Быел май аенда татар теле һәм әдәбиятын укыту концепциясе кабул ителде. Ул концепцияне без Фәннәр Академиясе белән бергә эшләдек. Яңа концепция буенча татар теле туган тел һәм дәүләт теле булып укытыла башлаячак. Хәзерге вакытта без татар телен 3 юнәлеш буенча – татар теле татар мәктәбендә, татар теле рус мәктәбендә һәм руслар өчен татар теленә бүлеп укытабыз. Дәүләт теле буларак укытканда, дәреслекләр Европа стандартларына нигезләнеп, дәрәҗәләргә бүленеп эшләнәчәк. Бу рус телле һәм башка милләт балаларына татар телен өйрәтүдә җиңеллекләр тудырыр дип уйлыйбыз”, - ди Әлфия Йосыпова.

Әлфия Йосыпова сүзләренчә, татар телен туган тел буларак укыту һәм дәүләт теле буларак үзләштерү юнәлешләре дә, үз чиратында, категорияләргә бүленәчәк. Бу бүленеш балаларның татар телен белү дәрәҗәсенә һәм сыйныфына карап башкарылачак.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.