Татар дөньясы

"Татар яшьләре көннәре"ндә баштанаяк үз мәдәниятебезгә чумабыз – Раилә Низаметдинова

Марий Эл республикасы делегаты форумнан үзенә көч, дәрт алуы турында сөйләде.
05.09 20:19

(Казан, 5 сентябрь, “Татар-информ”, Алмаз Шиһабетдинов). "Татар яшьләре көннәре"нең Марий Эл республикасы делегаты Раилә Низаметдинова  форумнан үзенә көч, дәрт алуы турында сөйләде.

“Татар яшьләре көннәре”ндә баштанаяк үз мәдәниятебезгә чумабыз”, – диде “Татар-информ” хәбәрчесенә Раилә Низаметдинова. – Милли мотивлар белән үзебездә өстәмә көч, дәрт табабыз. Бу форумда үземә яңа дуслар таптым. Шулай ук мастер-класслар, экскурсияләр дә уңай тәэсирләр калдырды. Шәһәрләрдәге каршы алу да бик ошады. Нинди генә шәһәрдә булмасын татарлар бик кунакчыл халык”.

Раилә Низаметдинова Марий Эл Республикасында яши, туган телен камил белә. Раилә үз республикасында “Бердәмлек” татар яшьләре союзы вәкиле. “Татар яшьләре көннәре” кебек форумнардан мин үземә иҗади илһам алам”, – ди ул.

Раилә Низаметдинова татар бизәкләрен кулланып, Ислам стилендәге киемнәр һәм аксессуарлар чыгара. “Бу кызыксынуым каян барлыкка килүен дә төгәл әйтә алмыйм. Бәлки бу йөрәк кушуыдыр”, – диде Раилә.

Исегезгә төшерәбез, 25-29 август көннәрендә “Татар яшьләре көннәре” форумы узды. Форумда Россиянең 30 төбәгеннән һәм Канададан килгән 147 делегат “Борис Полевой” теплоходында Ульяновск, Самара, Тольятти, Зөя һәм Болгар шәһәрләренә сәяхәт итте.

КӨН ҮЗӘГЕНДӘ

“Татарча диктант”та очраган иң еш хаталар билгеле булды

Диктанттагы хаталардан чыгып, аны язучының кайсы төбәктә яшәвен аерып була, ди оештыручылар.

Болгар ислам академиясендә беренче Халыкара Болгар укулары узачак

Чара нәтиҗәләре буенча конференция материаллары җыентыгын нәшер итү күздә тотыла.

580 кеше “Татарча диктант”ны “5”легә язган

“Татарча диктант” язуда 2 меңгә якын кеше катнашкан.

Рөстәм Миңнеханов Гайдар форумында Татарстандагы медицина турында сөйләде

Татарстанда медицина ярдәме күрсәтү буенча югары технологияле үзәкләргә аеруча игътибар бирелә.

Мәскәү Җәмигъ мәчетенә Коръәннең уникаль басмасын бүләк иттеләр

Изге китап Җәмигъ мәчете музее экспозициясендә лаеклы урын алачак.