Дин

Чирмешән районының Иске Элмәле авылы чиркәвенә 25 елллыгын үткәрде

100 елдан соң храмга “Взыскание Погибших“ дип аталган Изге Ана иконасы кире кайтарылды.
06.09 02:00

(Чирмешән, 6 сентябрь, “Татар-информ“, “Безнең Чирмешән“, Евгений Ромин) Чирмешән районыныңИске Элмәле авылында элеккеге җимерелгән урынында тергезелгән чиркәү ачылуның 25 еллыгы уңаеннан бәйрәм чаралары узды. Әле бу гына да түгел, 100 елдан соң храмга “Взыскание Погибших“ дип аталган Изге Ана иконасы кире кайтарылды, дип яза җирле басма.

Бу көнне иртәдән үк олысы, кечесе чиркәүгә ашыкты. Искеэлмәлелеләр генә түгел, күрше авыллардан, Аксубай, Челно-Вершины, Әлмәт, Шентала районнарыннан да чарага килүчеләр бар иде. Хәтта Мәскәүдән дә кунаклар – Иске Элмәледә туган, РФның Федерация Советы сенаторлар Клубы башкарма директоры Николай Тузов үз хезмәттәшләре белән кайткан. Һәм юкка да түгел, чөнки Изге Ана иконасын храмга кайтару эше философия докторы, профессор, академик Николай Витальевич катнашында башкарылды.

Бик кадерле православ бүләкнең тарихы болай. 1917 елгы революциядән соң, дини корылмалар җимерелгән чорда, монда яшәүче Мария Дмитриевна Тузова иконаны алып чыгып яшерә һәм үзендә саклый алган. Әби үзе 103 яшькә җитеп, иконаны сакларга кызы Екатерина Васильевнага васыять итеп калдыра. Аннан икона мирас буенча оныкка, православие традицияләренә тугры булган Николай Тузовка гаиләсенә күчә. Алар иконаны яңартып, Иске Элмәлегә чиркәвенә кайтарырга килешәләр. Шулай итеп икона чиркәүдә диварында лаеклы урын ала.

Храм настоятеле Сергий атакай үткәргән бәйрәм службасыннан соң, халык алдында Яңа Элмәле авыл җирлеге башлыгы Иван Захаров, протоиерей Петр Занкович чыгыш ясадылар. Алар чиркәү төзелешенә өлеш керткән барлык авылдашларга, якташларга рәхмәтләрен ирештерделәр.

Чиркәүгә бәһасез бүләк тапшырган Николай Тузов буш кул белән кайтмаган, ул мәдәни һәм рухи мирасны үстерүгә, Иске Элмәледәге Архангел Михаил дин йортын яшәтүгә өлеш керткәннәре өчен, кайбер якташларыбызга Рәхмәт хатлары тапшырды. Чиркәүдә махсус тактага уеп язылганнарының да исемнәре онытылмаячак.
Чиркәү авылдагы тагын бер рухи йорт – авыл мәдәният йорты белән күрше. Монда эшләүче энтузиастлар, күп кенә мәдәни һәм дини чаралар оештыручылар Вера Захарова, Елена Селиванова, китапханәче Ирина Кондрашкина шулай ук бүләкләргә лаек булдылар, диелгән район хәбәрендә.

 

 

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.