Дин

Чистайның "Әнәс" мәчетендә кул көрәше үткән

Мәчеттә бишенче ел рәттән мөмкинлеге чикле кешеләр өчен төрле спорт ярышлары үткәрелә.
06.09 16:06

(Казан, 6 сентябрь, «Татар-информ»). Ислам дине кешеләрне сәламәт яшәү рәвеше алып барырга чакыра. Үзенең ничек туклануы, сәламәтлеге турында һәр мөселман кайгыртырга тиеш. Шул уңайдан Чистай районының “Әнәс” мәчете бишенче ел рәттән мөмкинлеге чикле кешеләр өчен төрле спорт ярышлары үткәрә. Рамазан аеннан соң алар өчен махсус “бочче” уены үткәрелсә, Корбан бәйрәме уңаеннан мөмкинлеге чикле кешеләр арасында армрестлинг буенча ярышлар уздырылган. Кырыкка якын спортчы беренче, икенче, өченче урыннар өчен көч сынашкан. Бу хакта Татарстан мөселманнарының Диния нәзарәте матбугат хезмәте хәбәр итә.

Чара тәмамланганнан соң “Әнәс” мәчете имам-хатыйбы Әбу Бәкер хәзрәт һәрбер катнашучыны Чистай имам-мөхтәсибе Мөхәммәд Кыямов һәм “Әнәс” мәчете меценаты Тәлгать Әхмәтҗанов исеменнән тәбрикләгән. Һәрбер спортчыга грамоталар һәм истәлекле бүләкләр тапшырылган.

 

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.