Рәсми Татарстан

Рөстәм Миңнеханов Владивостокта Россия Дәүләт Советы президиумы утырышында катнашты

Чара Россия Президенты В.Путин рәислегендә Ерак Көнчыгыш федераль университеты мәйданчыгында "Көнчыгыш икътисадый форум–2017" кысаларында узган.
06.09 16:34

(Казан, 6 сентябрь, «Татар-информ»). Бүген Татарстан Президенты Рөстәм Миңнеханов эшлекле сәфәр белән Владивостокка килде. Бирегә килүнең максаты – Ерак Көнчыгыш төбәкләренең социаль-икътисадый үсеше мәсьәләләренә багышланган Россия Дәүләт советы президиумы утырышында катнашу. Чара Россия Президенты Владимир Путин рәислегендә Ерак Көнчыгыш федераль университеты мәйданчыгында "Көнчыгыш икътисадый форум – 201" кысаларында узган, дип хәбәр итә республика Президенты матбугат хезмәте.

Владимир Путин үз чыгышында белдерүенчә, Ерак Көнчыгыш төбәкләренең үсешенә юнәлдерелгән чаралар комплексы берничә ел дәвамында тормышка ашырыла. Әлеге эшнең беренчел нәтиҗәләрен бүген үк ясарга мөмкин. Төбәктә сәнәгать үсеше темплары Россиянең уртача күрсәткечләреннән артып китә. Соңгы өч елда үсеш 8,6 процентны тәшкил иткән. Шулай ук халыкның төбәктән күчеп китүе дә шактый кимегән.

«Безнең максатыбыз – Ерак Көнчыгышның җәлеп иттерүчәнлеген арттыру. Бу - яхшы торак, сыйфатлы сәламәтлек саклау өлкәсе, транспорт челтәренең уңайлылыгы, заманча мәктәп, балалар бакчасы, ясле дигән сүз. Эшчән, талантлы, белемле кешеләр бирегә күбрәк килсен өчен, барлык шартларны булдырырга кирәк», – диде Россия Президенты.

Владимир Путин аеруча игътибарны бизнес-структура вәкилләренә ярдәм итүгә юнәлтергә чакырды. Шулай ук ул төбәктәге транспорт мәсьәләләре темасына да кагылды.
 

КӨН ҮЗӘГЕНДӘ

Татар дәүләт филармониясе хәйрия концертларында бер миллион сумнан артык акча җыярга уйлый

Габдулла Тукай исемендәге Татар дәүләт филармониясе 21 – 26 июнь көннәрендә Филармония скверында хәйрия концертлары оештыра.

Казанда дөнья чемпионатында 200гә якын халык фольклор коллективы чыгыш ясаячак

Җанатарлар фестивалендә чыгыш ясау өчен, Мәдәният министрлыгы тарафыннан 680 башкаручы теркәлгән.

Башкорт кинорежиссеры Айнур Аскаровның “Буран” проекты федераль грантка ия булды

Россия Федерациясе Мәдәният министрлыгының Авторлык һәм эксперименталь кино эксперт советы 68 гаризадан 35 проектны сайлап алган.

Камил хәзрәт Сәмигуллин Татарстан имамнарының ГТО тапшырачагын әйтте

“Без имамнарның формада булуын телибез”, - ди мөфти.