Фән һәм мәгариф

Казан моторлар төзү сәнәгать берләшмәсе техник иҗат түгәрәкләренә чакыра

Дәресләргә белем бирү оешмаларының 7-9 сыйныф укучылары, урта һөнәри белем бирү йортлары студентлары йөри ала.
06.09 17:07

(Казан, 6 сентябрь, «Татар-информ»). «Казан моторлар төзү сәнәгать берләшмәсе» акционерлык җәмгыяте белем бирү оешмаларының 7-9 сыйныф укучыларын, урта һөнәри белем бирү йортлары студентларын техник иҗат түгәрәкләренә чакыра, дип хәбәр итә республиканың Мәгариф һәм фән министрлыгы.

Түгәрәкләр «Газодинамика һәм газотурбиналы двигательләр», «Автоматизация һәм механизация», «3D-модельләштерү һәм технология ЧПУ» юнәлешләре буенча эшли.

Дәресләрне белем бирү йортларында укыту тәҗрибәләре һәм фәнни дәрәҗәсе булган двигатель төзелеше тармагындагы югары квалификацияле белгечләр алып бара.

Түгәрәкләр «Казан моторлар төзү сәнәгать берләшмәсе» акционерлык җәмгыятенең Укыту-сәнәгать үзәге базасында, Казан шәһәре, Деменьев урамы, 1 йорт адресы буенча үткәрелә. Белешмәләр өчен телефон: (843) 294-76-21.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.