Икътисад, Җәмгыять

Татарстан Хөкүмәте Казанда чүп яндыру заводының барлыкка килү көнен раслады

Предприятиене 2022 елның декабренә төзү планлаштырыла, аңынчы көнкүреш калдыкларын ташлауның яңа системасын булдыру күздә тотыла.
06.09 17:36

(Казан, 6 сентябрь, «Татар-информ»). Татарстан Хөкүмәте Казанда чүп яндыру заводы төзелергә тиешле көнне һәм каты көнкүреш калдыклары ташлау буенча яңа системага күчүнең “юл картасын” раслаган.  Республика Министрлар Кабинеты боерыгы нигезендә көнкүреш калдыкларын термик ысул белән эшкәртү буенча Hitachi Zosen Inova предприятиесе Татарстан башкаласында 2022 елның декабренә төзеп бетерәчәк.

Шул ук вакытта, ел ярым эчендә Татарстанда калдыклар белән эш итү белән идарә иткән төбәк операторларын билгеләү күздә тотыла.  2018 елда көнкүреш калдыклары белән мөрәҗәгать итү буенча инвестпрограмма әзерләнәчәк. 2018 елның май аенда төбәк операторларына бердәм тарифлар куелырга тиеш.

Өч ел дәвамында республикада муниципальара чүп күмү полигоннары әзер булачак. Моннан тыш каты коммуналь калдыкларны эшкәртү, зарарсызландыру һәм утильләштерү буенча да объектлар төзелү күздә тотыла.

Япония-Швейцариянең Hitachi Zosen Inova (HZI) компаниясе төзегән чүп яндыру заводы, елына 550 мең тонна калдыкны юк итеп, 55 МВт электр энергиясе эшләп чыгарырга тиеш. Соңгы версия буенча, ул "Оргсинтез" заводы зонасында төзеләчәк (исегезгә төшерәбез, элегрәк аны Самосыровода төзү варианты каралды). Предприятиене төзү, төрле мәгълүматлар буенча, 20дән 26 миллиард сумга кадәр төшәчәк. Ул акча "РТ-Инвест" оешмасыннан алыначак.
 

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.