Рәсми Татарстан

Алексей Песошин Татарстан нефть-газ химиясе форумын ачты

Бүген «Казан ярминкәсе» күргәзмә үзәге мәйданчыгында Татарстан нефть-газ химиясе форумы - 2017 ачылды.
06.09 18:06

 (Казан, 6 сентябрь, «Татар-информ»). Ачылыш тантанасында Татарстан Премьер-министры Алексей Песошин, ТР вице-премьеры-ТР сәнәгать һәм сәүдә министры Альберт Кәримов, Россия Сәнәгать һәм сәүдә министрлыгының Химия-технология һәм урман сәнәгате комплексы департаменты директоры урынбасары Павел Филаткин, РФ нефть-газ сәнәгатьчеләре берлеге президенты Геннадий Шмаль катнашты, дип хәбәр итә республика Президенты матбугат хезмәте.

Быел форум “Түбәнкаманефтехим” ГАҖ оешуга 50 ел тулу уңаеннан уздырыла.

“Ышанам, форум барлык катнашучыларда кызыксыну уятыр һәм яңа эшлекле элемтәләр урнашуга ярдәм итәр”, - диде Алексей Песошин.

Алга таба Алексей Песошин форум кысаларында уздырылган конкурста җиңүчеләргә дипломнар тапшырды.

Ачылыш тантанасыннан соң кунаклар халыкара тармак күргәзмәләре экспозицияләре белән танышты, анда катнашучы компанияләр нефть эшкәртүнең һәм нефть химиясенең заманча материалларын, җиһазларын һәм технологияләрен тәкъдим итте.

Татарстан нефть-газ химиясе форумы 2017 елның 6-8 сентябрь көннәрендә узачак.

Форум эшендә Россия, Германия, Австрия, Кытай, Тайвань, Көньяк Корея һәм Беларусь Республикасыннан 200дән артык предприятие катнаша. Алар арасында Татарстаннан “Татнефть” ГАҖ, “Транснефть” ГАҖ АК, “ТАИФ” ААҖ, “Казанкомпрессормаш” ААҖ бар.

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.