Авыл

“Зәй шикәре” чөгендер алуда - лидер

Барлыгы 2600 гектар мәйданда татлы тамыр алынган.
06.09 23:00

(Зәй, 6 сентябрь, “Татар-информ”, «Зәй офыклары», Рәзимә Кашапова). Зәй районы басу-кырларында чөгендер алу эше киң колач ала бара. Авыл хуҗалыгы һәм азык-төлек идарәсеннән алынган мәгълүматлар буенча, барлыгы 2600 гектар мәйданда татлы тамыр алынган. Бу - барлык мәйданның 25 процентында татлы тамыр алынган дигән сүз. Уңыш гектарыннан уртача 370 центнер тәшкил итә, дип яза җирле басма.

“Зәй шикәре” - шикәр чөгендерен алуга иң беренчеләрдән булып керешкән агрофирмаларның берсе. Агрофирмада татлы тамыр барлыгы 3025 гектар мәйдан били. Аның 900 гектарга якыны алынган инде. Эш “Маяк” бүлекчәсеннән башланып, ул “Заман”, “Сәвәләй” һәм “Чыбыклы” бүлекчәләрендә дәвам итте. Аннан механизаторлар янә “Маяк” бүлекчәсе басуларына күчте. “Маяк”та татлы тамыр 496 гектар мәйдан били, уңыш гектарыннан 415 центнер тирәсе. Биредә агрофирманың өч “РОПА” комбайны тәүлек буе эшли. Комбайннарны тәҗрибәле, үз эшенең осталары Иван Калинов, Дамир Баһаутдинов, Павел Мельниковлар иярли. Эш бер сменада иртә таңнан кичке сәгать 8гә кадәр алып барыла.

-Соңгы көннәрдә явып узган яңгырлар җирне бераз йомшартты, алайса эшләве кыен, җир үтә каты иде, - ди механизаторлар.

Аларның араларында иң өлкәне - Төги авылыннан Иван Калинов, иң яше исә әлеге авылдан Павел Мельников. Иван Калинов осталыгы һәм тәҗрибәсен яшьләр белән белән теләп уртаклаша. Ул үзенең ничәнче ел басу-кырларда эшләвен хәтерләми хәтта.

-Элекке эш шартлары белән бүгенгесе арасында җир белән күк аермасы. Техника заманча, ватылсаң, запас частьләр белән тәэмин итеп торалар. Эшләргә дә эшләргә безгә, – ди Иван.

Басу тезелеп киткән чөгендер көшелләре белән тагын да матур. Чөгендер ташучы машиналар басу белән шикәр заводы арасын иңләп кенә тора. Татлы тамыр төяүдә Олег Мелехов эшли. Төягәндә чәчелгән чөгендерләрне көшелгә җыйнап торучылар да бер минут ял итеп тормый. Погрузчикка “КамАЗ” машиналары чират тора.

-Сменага 220шәр машина төягән көннәр дә бар, бер минут вакытны исраф итми эшлибез, - ди Олег Мелехов.

Агрофирма җитәкчелеге чөгендер алучы механизаторларның эшләвеннән канәгать, диелгән район хәбәрендә.

 

 

КӨН ҮЗӘГЕНДӘ

Кырым татарларының тулы тарихы языла

Татарлар тарихының 7 томлыгы Кырым галимнәренә бу эштә үрнәк булып торачак, ди проект авторлары.

Быел КФУ да "Татар теле, әдәбият, журналистика" программасы буенча 16 бюджет урыны булачак

“Бюджет урыннары шактый: педагогик белем бирү бүлегендә - 25, филологиядә 16 бюджет урыны булачак”, - диде Әлфия Йосыпова.

«Татар-информ» Ринат Таҗетдиновның юбилей кичәсен онлайн күрсәтә

Тантаналы кичә программасында - спектакльләрдән өзекләр һәм актерның иҗатташ дусларыннан котлаулар.

Галим Гомәр Саттаров телне саклауда кеше исемнәре зур әһәмияткә ия, дип саный

Исем сайлау - катлаулы һәм җаваплы эш, һәм исем җисеменә туры килергә тиеш, ди Казан ономастика мәктәбенә нигез салган галим.

“Мәрхәмәтлелек кәрзине” марафонында катнашучы районнар билгеле

Болар – Татарстанның биш муниципаль берәмлеге: Әлки, Яшел Үзән, Балык Бистәсе, Кайбыч һәм Биектау районнары.