Рәсми Татарстан

Татарстан Президенты Венгриянең Казандагы яңа генераль консулы белән очрашты

Рөстәм Миңнеханов Татарстан белән Венгрия арасындагы мөнәсәбәтләрнең әһәмиятен ассызыклады.
07.09 11:06
(Казан, 7 сентябрь, «Татар-информ»). Бүген Татарстан Республикасы Президенты Рөстәм Миңнеханов Венгриянең Казандагы яңа генераль консулы Адам Штифтер белән очрашты, дип хәбәр итә Президентның матбугат хезмәте. 
 
Рөстәм Миңнеханов Адам Штифтерны әлеге вазифага керешүе белән котлады. Ул Татарстан белән Венгрия арасындагы мөнәсәбәтләрнең әһәмиятен, биредә  генераль консуллыкның мөһим роль уйнавын ассызыклады.
 
Татарстан Президенты Адам Штифтерның яңа вазифада Татарстан белән Венгрия арасындагы ике якка да файдалы мөнәсәбәтләрне алга таба үстерүгә ярдәм итәчәгенә ышаныч белдерде.
 
Очрашуда шулай ук ТР Премьер-министры урынбасары – авыл хуҗалыгы һәм азык-төлек министры Марат Әхмәтов, ТР вице-премьеры – сәнәгать һәм сәүдә министры Альберт Кәримов, ТР Президенты ярдәмчесе Радик Гыйматдинов һәм ТР Инвестицион үсеш агентлыгы җитәкчесе Талия Миңнуллина да катнашты.
 
 

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.