Авыл

Сарман районы Татарстанда ашлык суктыру буенча алдынгылыкка чыкты

Районда 30 меңнән артык гектар мәйданда авыл хуҗалыгы культуралары җыеп алынган.
07.09 16:43

(Казан, 7 сентябрь, "Татар-информ", Надежда Гордеева). Татарстанның Сарман районында 157 мең тонна ашлык җыелган, уртача уңыш гектарыннан 46,8 центнерны тәшкил итә. Бу хакта "Татар-информ" хәбәрчесенә районның авыл хуҗалыгы һәм азык-төлек идарәсе башлыгы Альберт Шәрипов җиткерде.

Республиканың авыл хуҗалыгы министрлыгы хәбәр итүенчә, 6 сентябрьдә Татарстанда 4 миллион тоннадан артык ашлык җыеп алынган. Суктыру буенча Сарман районы алдынгы булды.

Агентлык әңгәмәдәшенең сүзләренә караганда, районда 44,3 мең гектар җирне суктырырга планлаштыралар. Бүген якынча 36 мең гектар мәйданда эш тәмамланган.

"Ашлыкның 40 процентын уҗымлылар алып тора. Быел һава торышы игенчеләргә уңай булды, яңгырлар вакытында яуды. Урып-җыю эшләрен август аенда башладык. Авырлыклар булмады, план буенча эшлибез. Комбайннар җитәрлек. Әлбәттә, алар ватыла, әмма без шунда ук аларны төзекләндерәбез. Хәзер, яңгырлар яуганда, урып-җыю эшләрен туктатып торабыз", – дип сөйләде Альберт Шәрипов.

"Көзен һәм яз көне без 100 кг нан артыграк минераль ашлама керттек. Бездә уҗым, сабан культуралары буенча яхшы күрсәткеч теркәлгән. Уҗым 18 мең гектарда чәчелгән, Авыл хуҗалыгы министрлыгы аны ашлыкның 40 – 45 процентын алып торырлык итеп чәчәргә тәкъдим итте", – дип өстәде авыл хуҗалыгы һәм азык-төлек идарәсе башлыгы.
 

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.