Спорт

"Спартак" артыннан күзәтмим, үз командам кызыксындыра – Корбан Бердыев

"Рубин" футболчылары "Спартак" белән очрашуга җитди рәвештә әзерләнә, ди остаз.
07.09 18:45
(Казан, 7 сентябрь, “Татар-информ”, Фәрит Салихов). “Спартак” клубы белән очрашуга әзерлек алып барган “Рубин” командасы баш тренеры Корбан Бердыев алда торган уенга карата үз фикерләре белән уртаклашты. Бүген команда каләм әһелләре өчен ачык күнегүләр уздырды.
 
“Спартак” – ил чемпионы. Бу сүз белән барысы да әйтелә. Безнең әзерлеккә килгәндә, җыелма командаларның уены һәр командага да тәэсир итми калмый. Кызганычка каршы, имгәнгән уенчылар да бар. Кайберләре сихәтләнеп бетмәде. Сафта булганнар белән эшлибез”, – диде Корбан Бердыев.
 
Мәскәү командасындагы үзгәрешләр турында сорагач, баш тренер “Спартак” артыннан күзәтмим, үзебезнең командадагы хәлләр ныграк кызыксындыра, дип җавап бирде. Аның сүзләренчә, көндәш команда үзгәрешләр кичерсә дә, “Спартак" һәрвакыт "Спартак" булып кала, уен манерасы да шул ук.
 
“Әлеге матч үзгә түгел, ә гадәти, – ди Корбан Бердыев. – Цезарь Навас уйнармы дисезме? Әзерлеге йөз процент булмаса да, без аны файдаланабыз. Ә Иран һөҗүмчесе Сердар Азмун җыелмадагы уеннардан имгәнеп кайтты. Матчка кадәр сафка басуы сорау тудыра. Шулай да җитди әзерләнәбез”.
 
“Спартак” – “Рубин” матчы 9 сентябрьдә Мәскәүдә була.
 
 

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.