Рәсми Татарстан

Рөстәм Миңнеханов: Беларусь – Татарстан өчен стратегик партнёр

Бүгенгә товар әйләнешенең гомуми күләме – $760,7 млн.
07.09 19:44

(Казан, 7 сентябрь, "Татар-информ"). Бүген төштән соң Татарстан Республикасы Президенты Рөстәм Миңнеханов Мәскәүгә эш сәфәре кылды.Эш сәфәре барышында Рөстәм Миңнеханов Беларусь Республикасының Россия Федерациясендәге илчелегендә булды, дип хәбәр итә Татарстан Президенты матбугат хезмәте.

Беларусь Республикасының Гадәттән тыш һәм Тулы вәкаләтле илчесе Игорь Петришенко белән бергә Рөстәм Миңнеханов Илчелекнең тарихи бинасын – Мәскәү үзәгендәге Маросейка урамындагы йортны карап чыкты. Татарстан Республикасы Президентына шулай ук Беларусьның Мәскәүдәге дипвәкиллекнең һәм мәдәният үзәгенең яңа биналарын да күрсәттеләр.

Ахырдан Рөстәм Миңнеханов һәм Игорь Петришенко массакүләм мәгълүмат чаралары вәкилләре белән аралашты. Татарстан Республикасы Президенты ассызыклаганча, Беларусь – республика өчен стратегик партнёр. Ул Беларусь партнёрлары белән сәүдә итүнең номенклатурасын киңәйтергә һәм күләмнәрен арттырырга тәкъдим итте. Бүгенгә товар әйләнешенең гомуми күләме – $760,7 млн.

Үз чиратында Игорь Петришенко Россия-Беларусь мөнәсәбәтләре кысаларында Беларусь белән Татарстан арасындагы хезмәттәшлекнең югары дәрәҗәсен билгеләп үтте.

Аннары Рөстәм Миңнеханов һәм Игорь Петришенко истәлеккә фотога төште. Шулай ук Татарстан Республикасы Президенты шәрәфле кунаклар кенәгәсендә язма калдырды.

 

КӨН ҮЗӘГЕНДӘ

Шигырьләр турыдан-туры фәрештәләр аркылы языладыр - Рифат Сәлах

Рифат Сәлахның Татарстан китап нәшриятында "Ак фәрештә" дип исемләнгән шигырьләр җыентыгы чыкты.

Мәскәүдә “Урман күле” исемле татар яшьләре форумы узачак

“Форумның максаты - яшьләрне татар оешмалары эшчәнлегенә җәлеп итү”, - ди проект авторы Римма Гомәрова.

“Татар-информ” Татарстан Республикасы Дәүләт Советының 31нче утырышын онлайн-трансляцияли

Трансляцияне http://www.tatar-inform.ru/internet-tv/1785/ интернет-сылтамасы аша карап булачак.

“Татар кызы” бәйгесе киләчәктә зур шоу булачак – Тәбрис Яруллин

Кичә Г.Тукай исемендәге Татар дәүләт филармониясенең концертлар залында “Татар кызы-2017” халыкара бәйгесенең Татарстан финалы үтте.

Разил Вәлиев: “Әлиф” спектале яшьләр иҗатын халыкка якынайта

Татарстанның халык шагыйре “Әлиф” хореографик спектакле турында үз фикерен белдерде.