Фән һәм мәгариф

Казан федераль университетында яшь галимнәр өчен фәнни журнал чыгарыла башлаган

«Казанский вестник молодых ученых» яңа фәнни басмасы гуманитар юнәлештәге тикшеренү нәтиҗәләрен урнаштыру өчен чыгарыла.
08.09 09:57

(Казан, 8 сентябрь, «Татар-информ»). Казан (Идел буе) федераль университетында яшь галимнәр өчен фәнни журнал чыгарыла башлаган, дип хәбәр иттеләр югары уку йортының Халыкара мөнәсәбәтләр, тарих һәм көнчыгыш телләрен өйрәнү институтында.

«Казанский вестник молодых ученых» яңа фәнни басмасы тарих, педагогика һәм филология буенча гуманитар юнәлештәге тикшеренү нәтиҗәләрен урнаштыру өчен чыгарыла.

Журнал редакциясенең эше Казан федераль университеты магистрлары һәм аспирантлары өчен генә юнәлдерелмәгән. Биредә үз эшләрен республиканың һәм Идел буе окрыгының барлык югары уку йортлары бастыра алачак.

Басманы югары аттестация комиссиясе (ВАК) исемлегенә, киләчәктә Scopus матбугатлар базасына кертү планлаштырыла. Әлеге юнәлештә беренче адымнар ясала башлаган.
 

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.