Спорт

«Ак Барс» хоккейчылары бүген «Югра» командасы белән очраша

Узган сезонда Казан командасы Ханты-Манси клубына каршы уңышлы чыгыш ясады.
08.09 10:09
(Казан, 8 сентябрь, «Татар-информ», Фәрит Салихов). Бүген, 8 сентябрьдә, Казанның «Ак Барс» хоккейчылары Континенталь хоккей лигасы даими чемпионаты кысаларында читтә «Югра» командасы белән очраша. Ханты-Манси шәһәрендәге уен Мәскәү вакыты белән 17.00 сәгатьтә башлана.
 
«Ак Барс» хоккейчылары соңгы вакытта «Югра»га каршы уңышлы чыгыш ясый. Узган сезонда, мәсәлән, Казан командасы ике уенда да уңышка иреште: Ханты-Мансидагы уен – 6:3, ә Казан бозындагы матч 4:1 исәбе белән «Ак Барс» файдасына төгәлләнгән иде. Алай гына да түгел, Континенталь хоккей лигасы даими чемпионатында «Ак Барс» әлеге көндәшен 7 матч рәттән җиңеп килә. Ә гомуми очрашулар саны 21 матчны тәшкил итә: 13 уенда «Ак Барс» җиңү яулаган.
 
Бу сезонда «Ак Барс» 6 матчның дүртесен җиңү белән төгәлләсә, «Югра» исәбендә 7 уенда яуланган өч җиңү бар. Көнчыгыш конференциядә «Ак Барс» 12 очко белән –  4 нче, 8 очколы «Югра» – 12 нче баскычта урнашты.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.