Икътисад

Нурсолтан Назарбаев Рөстәм Миңнехановка Ислам финанслары буенча глобаль премия тапшырды

GIFA премиясе беренче тапкыр 2011 елда тапшырыла, ул ислам финанслары индустриясендәге төп бүләкләрнең берсе санала.
08.09 10:48

(Казан, 8 сентябрь, «Татар-информ»). Казакстан Президенты Нурсолтан Назарбаев Татарстан Президентына, төбәк дәрәҗәсендә ислам финанс базарын үстерүгә һәм алга җибәрүгә зур өлеш керткәне өчен, Ислам финанслары буенча глобаль премия (GIFA) тапшырган. Республика башлыгы исеменнән премияне Татарстан Премьер-министры урынбасары Васыйл Шәйхраҗиев кабул иткән. Бу хакта Tengrinews.kz порталы хәбәр итә.

Бүләк алучылар исемлегендә Казакстанның финанслар министры Бахыт Солтанов, Россия Үзәк банк рәисе Эльвира Нәбиуллина да бар. GIFA премиясенең «Ислам финанслары буенча глобаль лидер» төп номинациясе Джибути Республикасы Президенты Исмаил Омар Геллега бирелгән. Назарбаев аңа бүләкне шәхсән үзе тапшырган. Шулай ук 50дән артык номинациядә җиңүчеләр билгеләнгән.

GIFA премиясе беренче тапкыр 2011 елда тапшырыла, ул ислам финанслары индустриясендәге төп бүләкләрнең берсе санала. Аны ислам финанслары буенча глобаль хисап бастыручы EdBiz Согрогаtiоn инглиз компаниясе оештырган.
 

КӨН ҮЗӘГЕНДӘ

“Татарча диктант”та иң еш очраган хаталар билгеле булды

Диктанттагы хаталардан чыгып, аны язучының кайсы төбәктә яшәвен әйтеп була, ди оештыручылар.

Болгар ислам академиясендә беренче Халыкара Болгар укулары узачак

Чара нәтиҗәләре буенча конференция материаллары җыентыгын нәшер итү күздә тотыла.

580 кеше “Татарча диктант”ны “5”легә язган

“Татарча диктант” язуда 2 меңгә якын кеше катнашкан.

Рөстәм Миңнеханов Гайдар форумында Татарстандагы медицина турында сөйләде

Татарстанда медицина ярдәме күрсәтү буенча югары технологияле үзәкләргә аеруча игътибар бирелә.

Мәскәү Җәмигъ мәчетенә Коръәннең уникаль басмасын бүләк иттеләр

Изге китап Җәмигъ мәчете музее экспозициясендә лаеклы урын алачак.