Рәсми Татарстан, Авыл

Татарстан Президенты Балтачта кыр эшләре һәм дәүләт программалары үтәлеше белән танышты

Районда бөртеклеләрне җыю мәйданнарның 77 процентында тәмамланган.
08.09 11:46

(Казан, 8 сентябрь, "Татар-информ"). Татарстан Республикасы Президенты Рөстәм Миңнеханов эш сәфәре белән Балтач районында булды. Биредә ул кыр эшләренең барышы һәм төрле дәүләт программалары үтәлеше белән танышты, дип хәбәр итә республика башлыгы матбугат хезмәте.

Иске Салавыч авылының бәрәңгы басуы янында республика лидеры Рөстәм Миңнеханов, Татарстанның вице-премьеры – авыл хуҗалыгы һәм азык-төлек министры Марат Әхмәтов һәм Балтач районы башлыгы Рамил Нутфуллин авыл хуҗалыгы предприятиеләре вәкилләре белән очрашу үткәрде.

Рабочая поездка Президента Республики Татарстан Р.Н. Минниханова в Балтасинский муниципальный район. Фото Марсель Бадыкшин

Район башлыгы хәбәр иткәнчә, Балтачта бөртеклеләр 34,1 мең гектарда чәчелгән. Аның 77 проценты, ягъни 26,2 мең гектар мәйдандагысы җыеп алынган, уртача уңыш - гектарыннан 39,4 центнер.

Бәрәңгене шушы көннәрдә казый башлаганнар. Быел "икенче икмәк" 245 гектарда утыртылган, бер гектардан 200 центнер уңыш алу көтелә, барлыгы 5 мең тонна бәрәңге җыярга исәпли балтачлылар.

Рабочая поездка Президента Республики Татарстан Р.Н. Минниханова в Балтасинский муниципальный район. Фото Марсель Бадыкшин

Көзге культураларны чәчү инде төгәлләнгән. Агымдагы елда районда арышка 8,4 мең гектар мәйдан бүлеп бирелгән, ә көзге бодай 3,7 мең гектарга чәчелгән.

Марат Әхмәтов хуҗалык җитәкчеләрен субсидияле кредитлардан активрак файдаланырга чакырды. "Сезнең терлекчелекне үстерү өчен яхшы мөмкинлегегез бар. Мин районда ел саен 10 комплекс төзелер, дип көткән идем. Әмма әлегә сезнең яктан тиешле активлыкны күрмим", – диде министр.

Рабочая поездка Президента Республики Татарстан Р.Н. Минниханова в Балтасинский муниципальный район. Фото Марсель Бадыкшин

Рөстәм Миңнеханов, үз чиратында, алдагы көннәрдә игенчеләргә кызу темпларда эшләргә тиешлеген искәртеп үтте. Аның фикеренчә, көннәр аяз торудан файдаланып, якын арада уңыш җыюны төгәлләргә кирәк.

Аннары Татарстан Президенты авылның төзекләндерелгән балалар бакчасында булды.
 

КӨН ҮЗӘГЕНДӘ

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

Халыкара "Татар кызы" бәйгесендө Татарстанны Гөлназ Гатина тәкъдим итәчәк

Чирмешән кызы Казан (Идел буе) федераль университетында белем ала.

Синоптиклар шимбә кырау төшүен фаразлый

Атна ахырына кадәр яңгыр иртәгә генә булачак, башка көннәрдә явым-төшем көтелми, дип хәбәр ителә.

Татар шундый фаҗигага юлыкса да, ул барыбер үз урынын тапкан – тарихчы

1552 елдагы вакыйгалар татарларда феодал катламны юк итүгә китерде, дип саный Искәндәр Гыйләҗев.

20 сентябрьнең төп вакыйгалары - фото һәм сылтамалар

Казанга Португалия икътисад министры килде, Мөхәррәм ае башланды, "Рубин" футболчылары Россия кубогының алдагы раундына узды, карабодай уңышы яхшы.