Дин

Татарстан хаҗилары табибларга 7 мең тапкыр мөрәҗәгать иткән

Республика мөселманнарының Диния нәзарәте фаразлавынча, хаҗ ахырына мөрәҗәгатьләр саны 8,5 меңнән артып китәчәк.
08.09 13:32

(Казан, 8 сентябрь, «Татар-информ», Шамил Садыйков). Бүгенге көндә быел хаҗ кылучы 1,7 мең Татарстан хаҗиларыннан медицина хезмәтләрен тарафыннан 7 мең мөрәҗәгать теркәлгән. Республика мөселманнарының Диния нәзарәте фаразлавынча, хаҗ ахырына мөрәҗәгатьләр саны 8,5 меңнән артып китәчәк. Бу хакта «Татар-информ»га "ТР МДН Хаҗ" оешмасының медицина бүлеге җитәкчесе Рамил Хисамов сөйләде.

«Авыру очракларының 80 проценты югары һәм түбән сулыш юллары, ЛОР органнары авыруларына карый. Бу табибларның киңәшләрен тотмау белән бәйле. Табиблар урында гына ятып торырга куша, әмма аларны тыңламыйча торып йөриләр, салкын су эчәләр. Кояш сугу, химик пешү очраклары да булды. Кемдер тмин белән компресс ясап пеште. Гипертоник киренкелек, ишемик авырулар арту күзәтелде. Ике инфаркт очрагы булды, бер авыруга Согуд Гәрабстаны клиникасында бушлай операция ясадылар», – диде белгеч.

Быел Татарстан җитәкчелеге хаҗга 12 табиб җибәргән (узган ел 15 булган). Республика тулысы белән белгечләрнең Согуд Гәрабстанына бару һәм яшәү чыгымнарын, хезмәт хакы түләүне, шуай ук хаҗиларны кирәкле дарулар белән тәэмин итүне үз өстенә алган. Табиблар тәүлек буе кизү тора. Хәзер Согуд Гәрабстанында 40 градус кызу һава торышы күзәтелә. Шуңа күрә медицина белгечләре төркемендә махсус аппаратура һәм медикаментлары булган кардиологлар да бар.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.