Сәясәт

Хөкүмәт Ленинны күмү турындагы канун проектын хупламаган

Әлеге канун проекты "Левада-Үзәк" сораштыруы белән бәйле барлыкка килгән, күпчелек россияле Ленинны күмәргә кирәк дип саный.
08.09 13:53

(Казан, 8 сентябрь, «Татар-информ»). Россия Хөкүмәте революция юлбашчысы Владимир Ленинны күмү турындагы канун проектын хупламаган, дип хәбәр итә РИА Новости.

Әлегрәк ЛДПР фиркасе депутатлары Иван Сухарев, Владимир Сысоев, Александр Курдюмов Дәүләт Думасына Ленинның гәүдәсен күмү турындагы канун проектын керткән иде. Документны “Бердәм Россия”дән Евгений Марченко, Александр Брыксин һәм Виталий Бахметьев имзалаган.

Сысоев белдерүенчә, проект аннан соң Ленинны гына түгел, башка тарихи затларны да күмү өчен "хокукый җирлек булдырырга" тиеш. Әлеге канун "Левада-Үзәк" сораштыруы белән бәйле барлыкка килгән, күпчелек россияле Ленинны күмәргә кирәк дигән фикер белдергән.

"Россия Хөкүмәте тарафыннан канун проекты хупланмый", — диелә Россия хөкүмәте рәисе урынбасары, Россия хөкүмәте аппараты рәисе Сергей Приходько имзалаган хатта.

Хатта белдергәнчә, әлеге тәкъдим казнадан өстәмә чыгымнар таләп итә, әмма канун проектында әлеге чыгымнарны финанслау чыганагы күрсәтелмәгән.

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.