Татар дөньясы

Алексеевск районында комбайнда эшләгән кызлар Андрей Малахов тапшыруында катнашты

"Быел безнең хакта беренче булып “Татар-информ” язган иде", - ди комбайнчы ярдәмчесе Зилә Вәлиуллина.
08.09 18:19

(Казан, 8 сентябрь, “Татар-информ”, Алмаз Шиһабетдинов). Алексеевск районында комбайнчы ярдәмчесе булып эшләгән кызлар - Зилә һәм Ләйлә Вәлиуллиналар- “Россия-1” телеканалында Андрей Малаховның “Прямой эфир” тапшыруында катнашты. Бу хакта Зилә Вәлиуллина "Татар-информ" хәбәрчесенә сөйләде.

Исегезгә төшерәбез, комбайнчы ярдәмчесе булган кызлар эшләгән хуҗалыкка "Татар-информ" хәбәрчеләре барган иде.  “Быел безнең хакта беренче булып “Татар-информ” язган иде”, - дип сөйләде комбайнчы ярдәмчесе Зилә Вәлиуллина. 

“Без апам Ләйлә белән Мәскәүгә - Андрей Малаховның “Прямой эфир” тапшыруына бару бәхетенә ирештек. Тапшыруның темасы “Наш ответ Американским санкциям – молодые фермеры” иде. Татарстаннан апам белән икәү генә идек. Тапшыру алдыннан безнең турында видеоязма эшләделәр. Аларның безнең хакта ничек белгәннәрен әйтә алмыйм. Безнең белән инде узган ел кызыксына башлаганнар иде, ә быел беренче булып “Татар-информ” язды”, - дип сөйләде Зилә.

Алексеевск районы “Алга” колхозында комбайнчы ярдәмчесе булып эшләгән кызлар Ләйлә һәм Зилә Вәлиуллина катнашындагы эфирны бүген, 8 сентябрь көнне, 18:00 сәгатьтә “Россия 1” телеканалында карый аласыз.

Тапшыруга баргач, кызлар танылган дизайнер Сергей Зверев белән фотога да төшкән.

 

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.