Дин

Террорчының милләте дә, дине дә юк – Татарстан мөфтие

Пәйгамбәребез (с.г.в.) әйткән сүзләр буенча гамәл кылу, аны танытуыбыз да – террорчылыкка каршы көрәш, ди Камил хәзрәт Сәмигуллин.
08.09 17:49
(Казан, 8 сентябрь, «Татар-информ», Фәрит Салихов). Татарстан мөселманнары Диния нәзарәте рәисе Камил хәзрәт Сәмигуллин, террорчылыкта гаепләп, мөселманнарга яла ягыла, дип белдерде.
 
«Кемдер, яла ягып, мөселманнарны террорчылар, дип атый, сөекле пәйгамбәребез Мөхәммәд Мостафа саллаллаһу гәләйһи вә сәлләмне вәхшилектә гаепләргә маташа. Ләкин, дөрес аңлагыз – террорчылыкның милләте дә, дине дә юк. Без, мөселманнар, террорчыларга каршы. Динебез – ислам «сәлам» сүзеннән килә. Ислам – тынычлык дине, ул тынычлык кына китерә ала», – дип сөйләде Камил хәзрәт Сәмигуллин.
 
Татарстан мөфтие, «Татар-информ» хәбәрчесе белән сөйләшкәндә, бүгенге җомга вәгазе  террорчылык һәм экстремизм темасына багышланганга карап кына, калган вакытта да бу юнәлештә вәгазь аша дини тәрбиянең тукталмавын әйтте.
 
«Асылда һәр вәгазебез террорчылыкка каршы. Мәрхәмәтлелек турында сөйләсәк тә, тынычлык белән килгән Пәйгамбәребез (с.г.в) хәдисләрен мисалга китереп узсак та, әлеге темалар кузгатылган булачак. Пәйгамбәребез (с.г.в.) әйткән сүзләр буенча гамәл кылу, аны танытуыбыз да – террорчылыкка каршы көрәш», – диде «Татар-информ» хәбәрчесенә Камил хәзрәт Сәмигуллин.
 
Исегезгә төшерәбез, бүген Татарстанның барлык мәчетләрендә дә җомга намазы алдыннан террорчылык һәм экстремизм турында вәгазь укылды. Казанның «Тынычлык» мәчетендә вәгазьне Татарстан мөфтие Камил хәзрәт Сәмигуллин укыды.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.