Фән һәм мәгариф

КФУда Бердәм дәүләт һәм Төп дәүләт имтиханнарына әзерлек курсларына теркәлү башланды

Курсларда 9 – 11 сыйныф укучылары имтиханнарга әзерләнә ала.
08.09 18:44

(Казан, 8 сентябрь, “Татар-информ”). Казан федераль университетында Бердәм дәүләт һәм Төп дәүләт имтиханнарына әзерлек курсларына теркәлү башланды, дип хәбәр ителә югары уку йортының медиа-порталында.

Сентябрь ае дәвамында югары сыйныф укучылары өчен имтиханнарга әзерләнү курсларына, шулай ук КФУ имтиханнарына әзерлек буенча электрон теркәлү бара. Монда имтиханнарга 9 – 11 сыйныф укучылары әзерләнә ала.

11нче сыйныфлар өчен дәресләр - 1 октябрьдән, 9 һәм 10нчылар өчен  16 октябрьдән башлана һәм май ае ахырына кадәр дәвам итә. Укучылар белән университет мөгаллимнәре һәм Казанның әйдәп баручы укытучылары шөгыльләнәчәк.

11нче сыйныфлар математика, рус теле, җәмгыять белеме, тарих, химия, физика, биология, география, информатика, әдәбият, инглиз теле буенча шөгыльләнә алачак. 10нчы сыйныфларга Бердәм дәүләт имтиханнарына рус теле, җәмгыять белеме, физика, шулай ук, төркем формалашуга карап, химия, информатика, әдәбият буенча әзерләнү курслары каралган.

9нчы сыйныфлар өчен - рус теле, математика, инглиз теле һәм һәм, гариза керүгә карап (физика, җәмгыять белеме һ.б.), башка предметлар булачак.
Дәресләр һәр предметтан атнасына бер тапкыр (4 академик сәгать -10 һәм 11нче сыйныфлар өчен, 3 академик сәгать - 9нчылар өчен) эш көннәрендә кич белән үтә. Якшәмбе көнне көндез дәресләр башка шәһәрләрдән килүчеләр өчен планлаштырылган.

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.

Илфар хәзрәт Хәсәнов Татарстандагы мөселман яшьләре хәле күпкә яхшырак дип саный

"VI мөселман яшьләре форумының максаты - яшьләрнең җәмгыятьнең бер өлеше икәнен аңлату", - диде хәзрәт .