Дин

Әлмирә Әдиятуллина Хаҗ сәфәрендә: Барыбыз да бертуганнарга әйләндек, без - Ислам динендә

Социаль челтәрдә журналистның видеомөрәҗәгате чыкты.
08.09 21:35

(Казан, 8 сентябрь, “Татар-информ”, Алмаз Шиһабетдинов). Социаль челтәрдә “Мөслимә” мөселман хатын-кызлары оешмасы җитәкчесе, Татарстанның атказанган мәдәният хезмәткәре, журналист Әлмирә Әдиятуллина Хаҗ сәфәреннән видеомөрәҗәгате чыкты.

“Без - планетаның иң бәхетле кешеләре. Шушы “Әл-Хәрәм” мәчете янында басып торабыз. Догаларыбызны кылдык, тәваф кылдык, Аллага шөкер. Бөтендөнья мөселманнарының бергәлектә, бердәмлектә Ислам динен куәтләндерә торган көчләрен аңладык. Ул матур. Безнең өчен бик зур бәхет, могҗиза. Аллага шөкер, хәзрәтебез безгә бөтен нечкәлекләрне һәм русча, һәм татарча, һәм гарәпчә аңлатты. Барыбыз да бертуганнарга әйләндек: без сеңелкәшләр, апалар, балалар. Аллага шөкер, без Ислам динендә. Шушы планетада Ислам динебезне куәтләндерү өчен армый-талмый эшлибез һәм киләчәктә дә Ислам динебезне куәтләндерергә көч-кодрәт табачакбыз”, - дип сөйли Әлмирә Әдиятуллина видеомөрәҗәгатендә .

Исегезгә төшерәбез, иртәгә, 9 сентябрь көнне, 00:50 сәгатьтә хаҗиларның беренче төркеме Казанга кайтып төшә.  

 

КӨН ҮЗӘГЕНДӘ

Татар дәүләт филармониясе хәйрия концертларында бер миллион сумнан артык акча җыярга уйлый

Габдулла Тукай исемендәге Татар дәүләт филармониясе 21 – 26 июнь көннәрендә Филармония скверында хәйрия концертлары оештыра.

Казанда дөнья чемпионатында 200гә якын халык фольклор коллективы чыгыш ясаячак

Җанатарлар фестивалендә чыгыш ясау өчен, Мәдәният министрлыгы тарафыннан 680 башкаручы теркәлгән.

Башкорт кинорежиссеры Айнур Аскаровның “Буран” проекты федераль грантка ия булды

Россия Федерациясе Мәдәният министрлыгының Авторлык һәм эксперименталь кино эксперт советы 68 гаризадан 35 проектны сайлап алган.

Камил хәзрәт Сәмигуллин Татарстан имамнарының ГТО тапшырачагын әйтте

“Без имамнарның формада булуын телибез”, - ди мөфти.