Дин

Камил Сәмигуллин: Хаҗиларны каршылап, алардан дога алсак, гөнаһларыбызны юарбыз

Бүген хаҗиларның беренче төркеме Казанга кайтты.
09.09 10:29

(Казан, 9 сентябрь, “Татар-информ”, Алмаз Шиһабетдинов). Бүген хаҗиларның беренче төркеме төнге 00:50 сәгатьтә Казанга кайтып төште. Хаҗиларны каршы алырга Татарстан Республикасы мөфтие Камил хәзрәт Сәмигуллин да килде. Ул хаҗиларны каршы алуның матур бер гадәткә кереп китүен һәм әлеге эшнең савап булуын әйтте.

“Бүген 46 кеше Хаҗ сәфәреннән кайтты. Бу безнең гадәткә кертелгән: беренче төркемне озатабыз һәм каршы алабыз. Хәдисләрдә дә хаҗиларны каршылап, алардан дога алсак, Инша Алла, Сөбханә вә тәгалә безнең дә гөнаһларны гафу итәр, диелгән. Хаҗга китәр алдыннан аларга китаплар таратыла. Китапларда догалар бар. Мәгълүм булганча, Гарәфә көнендә өйләдән алып ахшамга кадәр шунда утырырга тиеш булабыз. Бу вакытта бөтен догаларыбыз кабул була. Шуңа күрә без хаҗиларыбызга дәфтәр башларга киңәш итәбез. Алар ул дәфтәргә бөтен авылның теләкләрен язып чыга алалар. Үз теләкләреннән тыш алар илебез, республикабыз өчен дә биш вакыт намаздан соң дога укыйлар”, - дип сөйләде Камил хәзрәт Сәмигуллин.

Быел Татарстаннан изге сәфәргә 1700 кеше барды. Бүген аларның 46 сы хаҗдан кайтты. Башкалары шушы атнада туган якларына кайта башлаячак.


 

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.