Дин

Без бу көннәрдә утка да, суга да кердек – хаҗия Луиза Әфләтунова

Бүген Казанга кайткан беренче төркем хаҗиларның берсе Луиза Әфләтүнова авыручылар күп булса да, изге сәфәрне җиңел һәм уңышлы үтүен әйтте.
09.09 11:19

(Казан, 9 сентябрь, “Татар-информ”, Алмаз Шиһабетдинов). Бүген Казанга кайтып төшкән беренче төркем хаҗиларның берсе Луиза Әфләтүнова “Татар-информ” хәбәрчесенә авыручылар күп булса да, изге сәфәрне җиңел һәм уңышлы үтүе турында әйтте.

“Авырып кайтсак та, барыбызның да күңелләре күтәренке, чөнки Аллаһ тәгалә алдында бик зур бурычны үти алдык. Барлык кешеләргә дә үзләренең хаталарын төзәтергә һәм аларны башка кабатламаска шушы изге сәфәргә барырга насыйп булсын иде. Аллаһ каршына барып баскач, барлык гөнахларыңны да таныйсың икән. Бүтән кешеләр өчен дә бик күп теләкләр теләдек. Иң элек, бәндәләргә Аллаһ тәгалә кушканча яшәргә сорадым”, - дип сөйләде ул.

Луиза Әфләтунова хаҗ кылган вакытта килеп чыккан авырулар турында “Татар-информ” хәбәрчесенә: “Безгә температура алмашынуы бик тәэсир итте. Температура 56 градуска җиткән очраклар да булды. Кызым хәтта аңын да югалтты. Анда инвалид кешеләр дә күп. Быел 4 миллион кеше булды, дип әйттеләр. Һәр кешенең үз чире була. Без бу көннәрдә утка да, суга да кердек”, - дип сөйләде хаҗия.

Быел Татарстаннан изге сәфәргә 1700 кеше барды. Бүген аларның 46 сы хаҗдан кайтты. Башкалары шушы атнада туган якларына кайта башлаячак. Хаҗиларны каршы алырга Татарстан Республикасы мөфтие Камил хәзрәт Сәмигуллин да килгән иде.
 

КӨН ҮЗӘГЕНДӘ

Соңгы 20 елда татарларның дини кызыксынулары арткан - халыкара конференция нәтиҗәсе

Конференция кысаларында Татарстан, Россия һәм чит төбәкләрдән килгән делегатлар татар халкының милли һәм дини үзенчәлекләре турында фикер алышты.

17 ноябрьнең төп вакыйгалары - фото һәм сылтамалар

Татарстан Президенты Кытайда эш сәфәрендә, Арчада авыл хуҗалыгына багышланган киңәшмә узды, Таһир Якуповка мемориаль такта ачылды.

"Ак Барс" хоккейчылары Мәскәүдә ЦСКА командасына оттырды

Эмиль Гарипов саклаган капкага боз хуҗалары җавапсыз өч алка кертте.

Казанда “Таян Аллага” татар әдәби конкурсы игълан ителде

Конкурсның максаты – татар телен һәм татар мәдәниятен популярлаштыру.

Рөстәм Миңнеханов Татарстанда Haier проектларын чынга ашыруда ярдәм итәргә вәгъдә бирде

Татарстан Президенты Кытайның Шаньдун провинциясе вице-губернаторы белән очрашты.