Авыл

Россия фермерларына базарда үз товарларын сату җиңелләшә

Яңа канун проекты нигезендә базарда үз товарын сатучылардан күкрәк карточкасы таләп итү гамәлдән чыгарыла.
09.09 13:46

(Казан, 9 сентябрь, «Татар-информ»). Федераль Хөкүмәт Россия фермерларының үз товарларын базарда сатуны җиңеләйтә торган канун проектын хуплаган, дип яза «ТАСС».

«Россия Федерациясе Хөкүмәте артык җитди булмаган төсмердәге кимчелекләрне төзәтеп бетерү шарты белән канун проектын хуплый», — диелә Россия Хөкүмәтенең рәсми порталында.

Искәртеп узыйк, хәзерге вакытта физик затлар, шул исәптән базарда товарларын сатучы фермерлар да, үзләре белән күкрәк карточкасы йөртергә тиеш. Анда шәхси мәгълүматлардан тыш, оешма, базар идарәчесе һәм сату өчен урын биргән кеше белән килешү турындагы мәгълүмат булу шарт.

Яңа канун проекты нигезендә, крестьян-фермер хуҗалыгы башлыгы һәм аның әгъзаларына, шулай ук шәхси ярдәмчел хуҗалык тотучы һәм базарда товарын сатучы затларга әлеге карточка кирәклеге гамәлдән чыгарыла.
 

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.