Рәсми Татарстан, Фән һәм мәгариф

Песошин – булачак танкистларга: Һәркайсыгызга Ватанны саклау җаваплылыгы йөкләнә

Казан югары хәрби команда (танк) училищесының беренче курс курсантлары хәрби ант бирде.
09.09 14:57

(Казан, 9 сентябрь, "Татар-информ", Надежда Гордеева). Бүген, гадәткә кергәнчә, Танкистлар көне алдыннан Казан югары хәрби команда (танк) училищесында беренче курс курсантларының хәрби ант кабул итү тантанасы узды. Антны 110 кеше кабатлады.

Татарстан Президенты һәм республика хөкүмәте исеменнән команда җитәкчелеген, училищеның профессор-укытучылар һәм шәхси составын республика Премьер-министры Алексей Песошин котлады. Ул билгеләп үткәнчә, Казан танк училищесы тамырлары белән Александр II чорына барып тоташа торган бай тарихка ия.

"Сез элек яшәгән батырларның данлы традицияләрен үстерерсез, дип ышанам. Бүген, хәрби ант кабул иткәндә, яңа статус аласыз. Сезнең һәрберегезгә хәрби фәнне, техниканы һәм коралларны үзләштерү, ә киләчәктә Ватаныбызны яклау җаваплылыгы йөкләнә", – дип мөрәҗәгать итте беренче курс студентларына Песошин.

Исегезгә төшерәбез, Казан танк училищесының тарихы 1866 елда нигез салынган Казан юнкерлар училищесыннан башлана. Ул - илнең иң борынгы хәрби уку йорты.



Тантаналы чара ахырында дәүләт бүләкләре тапшырылды. Алексей Песошин Россия оборона министрлыгының “Коры җир гаскәрләре башлыгының истәлек билгесе” белән бүләкләнде. Шундый ук билгене бүген Казан Кремлендә Татарстан Президенты Рөстәм Миңнехановка тапшырдылар.



КӨН ҮЗӘГЕНДӘ

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

Халыкара "Татар кызы" бәйгесендө Татарстанны Гөлназ Гатина тәкъдим итәчәк

Чирмешән кызы Казан (Идел буе) федераль университетында белем ала.

Синоптиклар шимбә кырау төшүен фаразлый

Атна ахырына кадәр яңгыр иртәгә генә булачак, башка көннәрдә явым-төшем көтелми, дип хәбәр ителә.

Татар шундый фаҗигага юлыкса да, ул барыбер үз урынын тапкан – тарихчы

1552 елдагы вакыйгалар татарларда феодал катламны юк итүгә китерде, дип саный Искәндәр Гыйләҗев.

20 сентябрьнең төп вакыйгалары - фото һәм сылтамалар

Казанга Португалия икътисад министры килде, Мөхәррәм ае башланды, "Рубин" футболчылары Россия кубогының алдагы раундына узды, карабодай уңышы яхшы.